根記粥麵店

Open Now

Now Closed

每年夏天都要黎長洲玩，其中一個我必食的舖頭就係根記，上年我黎度兩日一夜，四餐入面有兩餐係食根記。我係好鍾意根記的蠔仔粥同粥仔腸粉。好好食，鮮味十足！蠔仔腸夠曬特別，唔係到到有得食。蠔仔粥佢用一寸長的大蠔仔煮成，成隻膠匙羹咁大，一碗有成十幾隻大蠔仔，勁足料，無得彈！我都食咗根記差唔多五六年啦，年年黎食水準都保持到，係香港地都真係唔容易。眼見老闆同姐姐們都無換過人，班底依舊。希望佢地個個身體健康，年年都可以煮好嘢俾我食。