蘭芳園

Open Now

Now Closed

蘭芳園，聽就多，食就真係未試過，是次黎到尖沙咀活方新店，都係因為友人話中環果間好正，所以係九龍區就要去九龍既蘭芳園。其實落到活方都有幾間西式、日式食店架，不過我地見到只有蘭芳園係滿座兼我地6個人先可以分到一張4人枱，立即信心大增，覺得「蘭芳園」係優質既保證。完全冇諗過係咁層次，唔好誤會唔係話高層次呀。友人們不嬲有果句講句，全程聽唔到佢地有咩評語，就知唔好食又費事係人地店裡講，實在太有矜持喇。抵讚呀!!! 唔知佢地點既野好唔好食啦，但係我所點既龍蝦汁蟹籽雞扒撈丁 同 熱檸水，就一定係唔好食。第一，龍蝦汁唔係龍蝦汁味，不過是普通白汁味; 第二，撈丁既丁淋晒唔彈牙既，係唔係丁黎架!? 第三，檸水既檸檬真係有d苦。唯一冇咁令人沮喪既係雞扒，都尚算又滑又有肉汁既。呢餐食到我微微咀笑，即係最嬲既頂點。只好轉移視線，講下牆上面既譚詠麟既相片、唱片封面、海報等，係珍藏黎既，不過由於坐得太辛苦，所以都冇留係度欣賞一下。其實睇個門面真係覺得蘭芳園係古老得黎好有特色架，不過真係唔知關唔關廚房唔同人既關係，完全食唔出係聽返黎咁好食，唔該改進下啦，再咁落去，得左「名過於實」呢個稱號就好難東山再起喇~