Grove Café

Open Now

Now Closed

上次試過佢個英式早餐，今次就試吓佢個歐陸早餐先。呢個歐陸早餐嘅份量都大，有兩塊烘過嘅toast，一塊薯餅，煎蛋，火腿，三粒車厘茄，仲有最重要最重要，要係幾大塊嘅大雞扒！雞扒真係幾大塊，有成隻手掌咁大，上面有啲茄汁。雞扒煎得好食唔會柴同唔會乾。而且雞扒又唔肥，配埋雞皮咁食，真係正！上面啲茄汁酸酸地咁，都幾開胃！薯餅就同平時一樣好食，火腿就係普普通通簡簡單單一塊，冇乜大特別，煎蛋都係。係唯獨覺得車厘茄有啲酸。塊toast有烘底抵讚！食落脆卜卜！搽埋牛油一流。25蚊有埋熱飲，而且高質，抵食過其他ac嘅早餐啊呢！