爖月串燒居酒屋

Open Now

Now Closed

又係朋友帶路！去咗尖沙咀樓上呢間串燒居酒屋「爖月」，價錢合理，款式多樣，食物質素高質，性價比高。手揸餅海膽蝦卷（$148）呢款係餐廳名物，點咗一客試下！巧妙地運用中式手揸餅取替紫菜，口感鬆化，入口富牛油香，包住海膽同蝦，口感幾豐富。比翼雙飛乳鴿有啲估唔到呢度竟然有乳鴿食，味道仲要都唔錯。乳鴿唔會太乾，肉質juicy，如果外皮脆啲就仲正啦！明太子玉子燒玉子燒好嫩滑，包住慷慨嘅明太子，更添鹹香。月見免治雞肉棒雞肉棒自家製作，直接放喺蘭王蛋上，完全被蛋汁包圍，又有蛋香又令到口感更為濕潤。雞皮呢個燒得乾身佐少少。鵝腸呢個燒得好好，調味都岩岩好。油甘魚鮫魚皮燒至焦香，魚肉嫩滑。