十三少酸菜魚 (Closed)

冇得返大陸好掛住酸菜魚😩行經大角咀諗緊食乜嘢之際，見到有間酸菜魚，見冇咩人馬上入去。佢哋嘅餐牌好簡單就咁一張過咗膠嘅餐牌，款式唔多，呢度主打就係食酸菜魚，其餘有口水雞、炆牛腩、另外有幾款小食嘅係青瓜、皮蛋、土豆絲就咁多！因為得兩個人嘅關係叫咗一個酸菜魚加寬粉，冇得揀幾辣，得辣定唔辣你揀，我個人覺得辣度岩岩好，唔會好重味，食到魚既味道，亦都唔會好油，份量都幾多唔會好少魚。另外叫左口水雞同一個皮蛋。口水雞花生味好重，再溝埋麻辣超正，忍唔住叫左個飯。