Video
Read full review
2020-11-08
219 views
沙田圍交通公園個圈裏面一向有幾多好野食，今日行開先發現原本嗰間外賣小食店變咗做呢間“豆乳狂人”。招牌唔同咗，好搶眼，但係都係買豆腐花同豆奶製品嘅。見餐牌唔同咗同埋都幾多人買，決定試試呢一間。佢基本上全部餐牌都係同豆有關嘅，有豆乳嘅飲品，豆腐花，芋圓，甜品，一支支嘅豆漿，甚至有腐乳買😂首先見佢幾特別擺咗一個display出黎，就揀咗呢個豆味芝士奶蓋豆乳茶（$35），最受歡迎嘅都係呢一隻。奶蓋上邊有四粒白玉丸子，配黃豆粉幾好食，之後個奶蓋原來都係用豆乳整嘅，唔會太甜，冇普通芝士奶蓋嗰陣濃膩嘅味道，好特別，真係值得一試。下面就係豆乳布丁同茶，布丁每啖都食到好多。呢個真係值得推介！好好飲。朋友就叫咗奶蓋豆乳布丁燒仙草（$30）佢同上面嗰個嘅分別就係多咗仙草同冇咗四粒丸子，都係同一款嘅底配唔同配搭。睇吓個人鍾意飲邊款。招牌豆腐花就叫左芋圓豆腐花（$25）。唔會太甜，芋圓煙韌，豆腐花都好滑。另外一個值得推介嘅係椰奶多芒小丸子（$35）。佢係椰奶底再加西米同埋小白丸子，仲有芒果粒同芒果片。份量好大碗，芒果都夠晒誠意！芒果肉好多，唔係剩係得幾Pat芒果汁，撈埋成碗好好食。呢個值得encore。之後就再
佢基本上全部餐牌都係同豆有關嘅，有豆乳嘅飲品，豆腐花，芋圓，甜品，一支支嘅豆漿，甚至有腐乳買😂
首先見佢幾特別擺咗一個display出黎，就揀咗呢個豆味芝士奶蓋豆乳茶（$35），最受歡迎嘅都係呢一隻。奶蓋上邊有四粒白玉丸子，配黃豆粉幾好食，之後個奶蓋原來都係用豆乳整嘅，唔會太甜，冇普通芝士奶蓋嗰陣濃膩嘅味道，好特別，真係值得一試。下面就係豆乳布丁同茶，布丁每啖都食到好多。呢個真係值得推介！好好飲。
朋友就叫咗奶蓋豆乳布丁燒仙草（$30）佢同上面嗰個嘅分別就係多咗仙草同冇咗四粒丸子，都係同一款嘅底配唔同配搭。睇吓個人鍾意飲邊款。
招牌豆腐花就叫左芋圓豆腐花（$25）。唔會太甜，芋圓煙韌，豆腐花都好滑。
另外一個值得推介嘅係椰奶多芒小丸子（$35）。佢係椰奶底再加西米同埋小白丸子，仲有芒果粒同芒果片。份量好大碗，芒果都夠晒誠意！芒果肉好多，唔係剩係得幾Pat芒果汁，撈埋成碗好好食。呢個值得encore。
之後就再買左兩枝黑豆豆奶同麥芽豆奶，個包裝都幾有心思。同埋佢會問你落唔落糖，你可以揀唔落糖。我兩支都加晒糖嘅，但係都唔會覺得佢好甜，而且豆香真係幾濃，飲得出都幾真材實料嘅。
總括嚟講呢間外賣小食店都幾正，佢啲豆乳製品質素幾好同埋份量OK，對得起呢個價錢。唔怪得之外賣店來講佢都算人流多。
Post
