漢和韓國料理

Open Now

Now Closed

星期五晚約左朋友係觀塘食飯，周圍都full曬要等位，上漢和碰碰運氣，雖然都好爆，但佢地好快就安排到我地入座。餓住個肚，即刻去熟食區填填個飽先，選擇超級多，有中湯有參雞湯有碗仔翅，韓式粉絲、豬腳薑、多春魚咩都有，想食light D都有沙律同壽司比你任夾，味道都唔差，韓式粉絲豬腳薑都好入味。燒野方面同樣好多款式，有肉有海鮮都有菜呀菇呀，肉方面醃得好入味，值得一讚！甜品當然都有好多比你揀，最得我心既係豆腐花，食完熱氣既，食碗淡淡地既豆腐花可以中和下。雖然限時兩小時，但夾左D熟食，加燒少少野，我同個friend個半鐘就收左手了。環境黎講唔想特別理想，好嘈唔適合傾計，碗碟有d仲係幾油，地板都有D痴笠笠。