Video
Read full review
2023-07-15
189 views
見到公司附近開咗餃子店，餃控梗係要去試吓！舖頭有點難搵，行咗兩三轉至搵到。weekend lunchtime係爆滿人，好彩我一個人老闆(聲稱義工😆）俾我入去等位。舖頭係家庭式經營，所以氣氛好輕鬆，”義工們”都會好隨心咁同客吹水，親切友善。响舖入面坐咗10分鐘左右(?)就有位坐，好可惜好多口味嘅餃已經缺貨，叫唔到最想試嘅芝士+菜莆雙拼。”義工”見我有啲失望又有啲選擇困難，就提議我叫8拼😆咩都有仲特登搵粒菜莆俾我，另外等煎餃時又拎菜莆我試。菜莆味道好夠，唔會太鹹有麻辣感，直情feel到啲麻辣會打開你啲味蕾，惹味又刺激！等咗幾分鐘煎餃拼盤都到，懷住拆盲盒嘅心情咁一隻一隻咬開。印象中有椰菜、素菜、粟米、木耳雞、菜莆、芹菜、另外兩隻唔記得咗🙈真心每隻都唔錯，調味啱啱好，隻隻都有性格。你會feel到啲配搭好有心思，除咗係味道嘅配合仲有口感上嘅配合。皮係薄身嘅但仍然好有咬口，料係爆多隻隻餃都包到好貼邊又漲卜卜，咬落juicy。煎得啱啱好皮唔會過硬，入口啲皮軟同脆加埋充滿汁料嘅饀係好好質感。如果唔係一入舖時太熱忍唔住叫咗汽水，仲會想試埋個花茶，唯有下次試🩵Btw點解咁好食、客又無停過咁入去、食完現場又
舖頭係家庭式經營，所以氣氛好輕鬆，”義工們”都會好隨心咁同客吹水，親切友善。
响舖入面坐咗10分鐘左右(?)就有位坐，好可惜好多口味嘅餃已經缺貨，叫唔到最想試嘅芝士+菜莆雙拼。”義工”見我有啲失望又有啲選擇困難，就提議我叫8拼😆咩都有仲特登搵粒菜莆俾我，另外等煎餃時又拎菜莆我試。
菜莆味道好夠，唔會太鹹有麻辣感，直情feel到啲麻辣會打開你啲味蕾，惹味又刺激！等咗幾分鐘煎餃拼盤都到，懷住拆盲盒嘅心情咁一隻一隻咬開。
印象中有椰菜、素菜、粟米、木耳雞、菜莆、芹菜、另外兩隻唔記得咗🙈真心每隻都唔錯，調味啱啱好，隻隻都有性格。你會feel到啲配搭好有心思，除咗係味道嘅配合仲有口感上嘅配合。皮係薄身嘅但仍然好有咬口，料係爆多隻隻餃都包到好貼邊又漲卜卜，咬落juicy。煎得啱啱好皮唔會過硬，入口啲皮軟同脆加埋充滿汁料嘅饀係好好質感。如果唔係一入舖時太熱忍唔住叫咗汽水，仲會想試埋個花茶，唯有下次試🩵
Btw點解咁好食、客又無停過咁入去、食完現場又要買生餃走…咁正都得咁少comment同正評???!
煎餃拼盤
$50
14 views
0 likes
0 comments
Post
