肉餅哥小炒料理 (Closed)

呢間放左係我的收藏到好耐，終於俾我去到啦💪7點前到未開始多人，環境唔逼，但當日坐得近廚房就有啲怪味入正題啦！ 一坐低就會每人俾一碗老火湯，好飲既👍仲有雞腳添肉餅既選擇超級多，可以選擇蒸或者煎。蒸會用砂鍋上，飯係底，肉餅係面。煎既肉餅會同飯分開上。晚市價格分為$59，$69，$99$69 煎秘制金沙蛋黃肉餅 配菜飯 - 好食，好岩送飯食。個肉餅聽個名都知有少少heavy，睇落仲勁 ，因為原來係肉餅上面鋪了一層滿滿既咸蛋黃加牛油炒成既金沙。$99 蒸足三兩花膠蒸肉餅 配白飯 - 本人無乜食過花膠，淨係知養顏，咁就嗌左啦 有3大塊花膠係面，上面有啲汁，下面係肉餅同飯。花膠好滑，食落一pat pat，會係口入面'張住張住'。一路淨係諗住可以養顏，先可以叫自己繼續食哂啲花膠🙈我唔知咩叫好食既花膠，但係食完呢次我諗我知自己唔鐘意食。肉餅同金沙個塊應該係一樣既，係好食既。但最低啲白飯好淋，好濕，唔好食。叫花膠肉餅個陣未諗掂蒸定煎，店員就建議蒸。但可能就係蒸，所以啲飯好濕。