車仔麵之家 (Closed)

近日來到北角返parttime，每次到lunch time都要四圍搵食，今日經過呢條小巷子，見車仔麵都咁多人排，一定有其吸引力，所以就入左去試試。午市時間人流爆滿，半開放式廚房，店內亦有電視供客人觀看，店内採用自助形式，先揀好食物，到收銀處付款，之後會叫號碼供客人取餐。車仔麵餸菜款式特多，應有盡有，麵既份量亦有大有小，揀左一段時間先揀到想食d乜。下午茶更加抵食呢碗係我點既:生菜、雞翼、炸墨魚腐皮卷、炸豬扒、米粉 (小辣) 呢度既辣味道好濃郁，建議先試小辣，因為小辣已經好刺激。炸墨魚腐皮卷爽彈，味道好討好。炸豬扒帶有香茅味，同出面食既唔同，而且都幾多肉。朋友點:蘿蔔、墨魚條、牛腩、煎魚餅、甜酸齋、米線 （中辣）中辣味道更加強勁蘿蔔軟腍入味，墨魚條好似香腸咁既樣牛腩原來會比一半牛筋所以唔鍾意牛筋既人可以預先通知走牛筋煎魚餅香口，沒有鯹味甜酸齋另上，脆炸幾滋味最後來一杯青檸梳打，透心涼呢。選擇多而且味道夠哂入味，店內乾淨整潔，難怪咁多人排隊。