豚豚食堂

Open Now

Now Closed

今日帶小朋友嚟呢綠楊坊試堂，之後就見到呢間豚豚食堂入黎食過午飯。午餐都幾多選擇，有拉麵，咖哩，定食同丼飯等。我就揀咗個豚軟骨拉麵，小朋友就揀咗個吉列豬扒奄列咖哩飯呢度嘅拉麵可以揀札幌或者豚骨味道，我呢款係豚骨湯底。拉麵煮得啱啱好時間，食落Qq唔會過腍。另外豚軟骨亦都炆得好入味，啖啖肉仲有少少軟骨個下口癒。拉麵配料有甘筍，木耳絲，香蔥同埋溏心蛋，夠晒正宗，口感豐富，好味道！套餐仲跟一款小食，揀左多春魚。至於個咖哩飯，奄列煎得好夠嫩滑，吉列豬扒亦都炸得夠香脆，入面豬扒唔會鞋，日式咖哩汁本身就係好送飯，話咁快一個咁有份量嘅咖哩飯都食曬。呢度位置便利而且坐得舒服，會再光顧！