Video
Read full review
2016-10-09
365 views
早2日同班FD係旺角唱完K就去搵野食,見到呢間話無限時食,咁就岩哂我地成班人邊吹水邊食啦,仲可以食到1點,咁就上左去食,大約7點半上去到,都仲有D位,店員都好NICE咁幫我地帶位。一坐低梗係一時間拎野食啦,款式都唔少,一般韓燒店有既都有,除左燒烤類仲有一D小食同好多唔同款式既甜品。肉類當然唔少得豬,牛,雞,豬排,雞翼等主菜,有用醃料醃過,甜甜地幾好味,最適合香港人口味,唔駛點豉油都得。最特別就係有一口牛柳粒,平時都係去D專食燒肉既鋪先有,估唔到呢間都有,質素亦唔錯,牛味十足。另外金菇肥牛卷都值得一讚，唔係好多韓燒舖會有，2者係最佳配搭。小食方面有薯餅薯條等等,雖然凍左但仲係好脆好好食。另外有五六種唔同類既壽司冷盤,例如三文魚,玉子,魚子，中華沙津，泡菜等等，食落都好新鮮。而且亦有中式小菜配有白飯，例如咕嚕肉等，岩哂d唔想食太多熱氣野既人。甜品就多喇,有朱古力泡芺,入面有CREAM,幾好食。有雞蛋布丁,好重雞蛋味,亦唔會好甜。豆腐花係任裝，可以加黃糖或者薑糖汁，質感方面都ok既，不過唔算太滑，仲有奶凍,士多啤梨奶凍,木糠布甸,啫喱糖等等,款式好多,質素亦唔差,岩哂乜都想試既人食。飲品方面
一坐低梗係一時間拎野食啦,款式都唔少,一般韓燒店有既都有,除左燒烤類仲有一D小食同好多唔同款式既甜品。
肉類當然唔少得豬,牛,雞,豬排,雞翼等主菜,有用醃料醃過,甜甜地幾好味,最適合香港人口味,唔駛點豉油都得。最特別就係有一口牛柳粒,平時都係去D專食燒肉既鋪先有,估唔到呢間都有,質素亦唔錯,牛味十足。另外金菇肥牛卷都值得一讚，唔係好多韓燒舖會有，2者係最佳配搭。
小食方面有薯餅薯條等等,雖然凍左但仲係好脆好好食。另外有五六種唔同類既壽司冷盤,例如三文魚,玉子,魚子，中華沙津，泡菜等等，食落都好新鮮。而且亦有中式小菜配有白飯，例如咕嚕肉等，岩哂d唔想食太多熱氣野既人。
甜品就多喇,有朱古力泡芺,入面有CREAM,幾好食。有雞蛋布丁,好重雞蛋味,亦唔會好甜。豆腐花係任裝，可以加黃糖或者薑糖汁，質感方面都ok既，不過唔算太滑，仲有奶凍,士多啤梨奶凍,木糠布甸,啫喱糖等等,款式好多,質素亦唔差,岩哂乜都想試既人食。
飲品方面,有可樂,冰紅茶,提子汁,蘋果汁,梳打等等，亦有一D紙包飲品,種類都好多，想飲酒既都可以加錢飲。總括來講,呢間韓燒以無限時任食任飲,留好耐都得，而且係燒既過程入面又無乜油煙，座位亦都闊落，都會考慮下再黎多次一邊吹水一路食野。
Post
