Video
Read full review
2017-05-29
87 views
一向喜歡食燒烤嘢食，但燒一次嘢食都真係要大費周章。無意中發現到呢間小店，有好多唔同款式嘅串燒，有人燒埋又可以坐低食，所以同朋友來試吓。一坐低，店員就會每人比一點辣醬，用來醮串燒食。呢度除咗有串燒之外仲有啲其他唔同種類嘅嘢食，好似薄餅、炒飯同意粉都有，十分多元化。枱面有點餐紙，喺想食嘅嘢旁邊寫低想點嘅數量，剔選合適的辣度和調味，然後俾店員就可以。墨西哥薄餅芝士雞肉 $37很快便到了，薄餅好脆，好多芝士包圍住雞肉同辣椒，每一啖味道都好豐富。司華力腸 $20切開咗一片片，方便share食，肉味香甜，有香辣調味粉喺面，所以更好食。串燒豆腐 $15豆腐好滑，外皮香香脆脆，有啲甜甜地又鹹鹹地嘅醬汁喺面，味道同豆腐好夾。鴨舌串 $19鴨舌佈滿好香嘅調味粉，少少辣，好惹味。鹽燒牛舌串 $26牛味濃，好爽口。鮑魚汁海鮮荷葉飯 $78啲飯炒得夠香同乾爽，上桌時熱呼呼，仲出緊煙，有好多蜆肉，足料，海鮮味同飯螎入了。藍妹啤酒（大支裝）$28食串燒有啤酒飲真係絕配。雞全翼 $17 雞中翼 (2隻) $16兩種都燒得皮脆肉嫩皮，火候控制啱啱好，剛剛熟，唔痴骨，超高水準之作。蒜蓉燒茄子 $32燒完嘅茄子，外層香得來
一坐低，店員就會每人比一點辣醬，用來醮串燒食。
呢度除咗有串燒之外仲有啲其他唔同種類嘅嘢食，好似薄餅、炒飯同意粉都有，十分多元化。
枱面有點餐紙，喺想食嘅嘢旁邊寫低想點嘅數量，剔選合適的辣度和調味，然後俾店員就可以。
墨西哥薄餅芝士雞肉 $37
很快便到了，薄餅好脆，好多芝士包圍住雞肉同辣椒，每一啖味道都好豐富。
司華力腸 $20
切開咗一片片，方便share食，肉味香甜，有香辣調味粉喺面，所以更好食。
串燒豆腐 $15
豆腐好滑，外皮香香脆脆，有啲甜甜地又鹹鹹地嘅醬汁喺面，味道同豆腐好夾。
鴨舌串 $19
鴨舌佈滿好香嘅調味粉，少少辣，好惹味。
鹽燒牛舌串 $26
牛味濃，好爽口。
鮑魚汁海鮮荷葉飯 $78
啲飯炒得夠香同乾爽，上桌時熱呼呼，仲出緊煙，有好多蜆肉，足料，海鮮味同飯螎入了。
藍妹啤酒（大支裝）$28
食串燒有啤酒飲真係絕配。
雞全翼 $17 雞中翼 (2隻) $16
兩種都燒得皮脆肉嫩皮，火候控制啱啱好，剛剛熟，唔痴骨，超高水準之作。
蒜蓉燒茄子 $32
燒完嘅茄子，外層香得來內裏又可以保juicy ，超正！
泰式燒豚肉 $38
香得嚟又爽口，醮泰式酸辣汁食，更好食。份量都幾多。抵食！
燒油甘魚鮫 $65
魚味好鮮甜，除咗豐富膠質，仲有滑滑魚肉。
食物質素好之餘，店內環境亦不俗，枱與枱之間挺寬闊，座椅亦舒適，滿意又滿足的一餐。
Post
