Video
Read full review
2021-12-08
1261 views
🎀韓妹生日，今鋪輪到熊妹安排生日飯喇。📌熊妹揾餐廳，就非咖啡店莫屬，因為熊妹真係好鐘意咖啡館無拘無束的休閒感。熊妹bookmark左位於旺角《Coffee Break》呢間咖啡館好耐，今鋪仲唔大派用場？📌等韓妹放工黎到，4:30入店，下午茶時段，都坐滿7成人，可想而知幾受歡迎。🎉📌店鋪比門面就咁睇大好多，因為原來入面仲有另一個廳，仲有沙發位，枱與枱之間都有點距離，保留著咖啡店的休閒空間感，這點正正係熊妹認為咖啡店好重要的元素呀！📌下午茶就不嬲抵食的，有小食、沙律、意粉、薄餅、甜品等等可以選擇，再包一杯$30 的飲品或補差價，價錢最貴都唔過$100，真係好抵食。煙三文魚蘆筍牛油果醬班尼迪蛋英式鬆餅，$68📌熊妹鐘意食煙三文魚，又鐘意牛油果醬，又鐘意班尼迪蛋，成件事真係為熊妹度身訂造的菜式。一碟有兩大個，雖然英式鬆餅係簡單的嘉頓麵包貨色，不過配料用上上盛的兩大塊煙三文魚包裹著流心班尼蛋同兩條新鮮的蘆筍，成件事將平凡又變得不平凡，味道多重層次，有煙三文魚的鹹撈上新鮮的蛋汁，還有蘆筍的爽脆口感與蔬菜味配合班尼迪蛋黃荷蘭醬，其實係美味到升天的味道，這就是班尼迪蛋難以抗拒的魅力。伴碟有一堆沙律
📌熊妹揾餐廳，就非咖啡店莫屬，因為熊妹真係好鐘意咖啡館無拘無束的休閒感。熊妹bookmark左位於旺角《Coffee Break》呢間咖啡館好耐，今鋪仲唔大派用場？
📌等韓妹放工黎到，4:30入店，下午茶時段，都坐滿7成人，可想而知幾受歡迎。🎉📌店鋪比門面就咁睇大好多，因為原來入面仲有另一個廳，仲有沙發位，枱與枱之間都有點距離，保留著咖啡店的休閒空間感，這點正正係熊妹認為咖啡店好重要的元素呀！
📌下午茶就不嬲抵食的，有小食、沙律、意粉、薄餅、甜品等等可以選擇，再包一杯$30 的飲品或補差價，價錢最貴都唔過$100，真係好抵食。
煙三文魚蘆筍牛油果醬班尼迪蛋英式鬆餅
$68
19 views
0 likes
0 comments
📌熊妹鐘意食煙三文魚，又鐘意牛油果醬，又鐘意班尼迪蛋，成件事真係為熊妹度身訂造的菜式。
一碟有兩大個，雖然英式鬆餅係簡單的嘉頓麵包貨色，不過配料用上上盛的兩大塊煙三文魚包裹著流心班尼蛋同兩條新鮮的蘆筍，成件事將平凡又變得不平凡，味道多重層次，有煙三文魚的鹹撈上新鮮的蛋汁，還有蘆筍的爽脆口感與蔬菜味配合班尼迪蛋黃荷蘭醬，其實係美味到升天的味道，這就是班尼迪蛋難以抗拒的魅力。
伴碟有一堆沙律菜，雖然無乜醬料，會似食一堆鮮草，可以放入班尼迪蛋入面同流心蛋黃同埋蛋黃荷蘭醬一齊食，濕啲又有菜的纖維，好味又健康。
櫻花蝦明太子忌廉汁意粉
$68
15 views
0 likes
0 comments
韓妹鐘意食意粉🍝，明太子汁就一定係首選。
上碟大，份量正常，明太子忌廉汁杰杰倜倜，韓妹驚喜地感覺味道唔鹹，好多時落重料明太子會好鹹，而呢個就份量剛好，意粉熟度7分鐘，有咬口，每條都掛滿明太子汁，食到最後碟都爬光光的。
蕃茄西班牙辣肉腸芝士薄餅
$98
15 views
0 likes
0 comments
可能熊妹同韓妹都無食晏空著肚子黎食呢餐，所以食左兩款菜式都未夠口，要叫多款主食，share黎食唔算好大食姐。
薄餅🍕份量都好大，可切成8 件，好彩餅底係餅乾薄底，唔會好濟好飽。蕃茄醬底同面頭鋪滿芝士一定係薄餅的最佳配撘，酸酸鹹鹹，最驚喜係西班牙辣肉腸，係類似臘腸長條型但又無臘腸咁多肥肉，入面放入左辣味香枓，辣辣地好惹味，圓條腸型有咬口，有別於平常吃的意大利辣肉腸，薄薄一片焗起來乾身啲又無咩肉食。成個薄餅真係份量多，兩個人係會食唔哂。
提拉米蘇梳乎厘班㦸
$62
18 views
0 likes
0 comments
慶祝生日當然要點個甜品，甜甜蜜蜜嘛。聽講梳乎厘班㦸🥞係招牌，但下午茶餐只有原味，咁唯有放棄杯飲品散叫。
果然並非浪得虛名，三層梳乎厘班㦸有厚度之餘又軟綿，重蛋香味，入口又未至於食空氣，係軟熟的蛋白蛋糕質感咁，咁的價錢，咁的份量，咁的味道，絕對抵食，比好多大型以梳乎厘班㦸打響名號的甜品店更出色更優勝，絕對係可以回頭的甜品。
提拉米蘇係淋上去的咖啡朱古力醬，醬汁好多，反而整濕左個班㦸，蓋過左個蛋味，難怪原味已經夠出名。
熱抹茶拿鐵
15 views
0 likes
0 comments
熊妹今次唔飲咖啡，抹茶控試下抹茶拿鐵🍵。
心型💗拉花位做得足，好明顯的心型圖案，呢杯抹茶拿鐵抹茶味濃啲，苦澀味比較出，奶味就唔多覺有，似係用上抹茶粉沖起，似茶多過拿鐵。
水蜜桃果粒茶
28 views
0 likes
0 comments
一壼水果熱茶，茶壼透明有長柄，好方便倒茶。
因為有水蜜桃、菠蘿乾果，沖出來的茶味道甜甜的，幾清新。店員好勤力，可要求不斷加熱水，一壼茶飲到好多杯，超滿足。
📌整體來說，係一間坐得幾舒服，可以自成一角休憩的咖啡店，而食物味道同質素都屬於中上水準，價錢仲相當親民，熊妹係會再推薦豬朋狗友來hea下的。
Post
