Coffee Break (鴻輝大廈)

Open Now

Now Closed

今次朝早去完複診，晏晝勁多時間行到旺角，但又唔知去邊！見肚餓就提早食嘢，門面見到呢間新淨同埋細餐咖啡好啱口味多數都鍾意西餐餐廳，可以飲到咖啡嘆件甜品！入邊座位同地方都幾大！坐低咗感覺幾舒服，裝修亦都好靚有時代感亦有少少草原感覺，入去嘅時候六點前。。。但食到咁上下，過咗6:30之後就好多人！所以溫馨提示，如果想舒舒服服嘆杯咖啡食件餅，最好六點半前入去！想讚佢個西冷扒超級好食。，如果嗌咗甜品有雪糕熱食嘅最好食咗雪糕再食佢個鬆餅！正👍🏼

食過4 5次 啲食物水準都可以唔一樣 叫個辣油太陽蛋牛油果sourdough 個牛油果都可以任佢整每次吾一樣。但有一樣野每次都一樣就係杯野飲就算你冇叫後上都係係你食晒啲嘢仲要等好耐先上到俾你。越整越垃圾。禮拜六日千祈唔好去食 啲嘢食係完全hea你

幫朋友慶祝生日訂咗枱，當日到餐廳職員話 搵唔到我資料，結果企係到當walk in企左15分鐘入位，同時叫職員幫手雪住蛋糕食物方面都麻麻，食過此店幾次，轉左好多人牛肉好實，好難咬開，加埋杯飲品 都$210蚊..意粉叫做OK既，起碼個意粉係淋，唔會好硬服務就真係唔掂，職員都好hea，一問一答態度好差，冇野做玩下手機，係到傾計💬叫職員上蛋糕，又唔俾埋碟叉...唔知想點食...舉手幾次都冇人理...幫朋友慶祝，都尷尬....真係唔想再幫襯........

嚟之前見openrice 評價幾好就諗住嚟，同埋咁啱有 blackpink應援所以就嚟咗。一入到嚟感覺嘛嘛哋，環境衛生好似唔係太好。等野食嗰陣見到幾隻小強同烏蠅周圍飛。嗌完野食之後等咗好耐先有嘢食。總共嗌咗三個set，2:45左右嗌完，3:20都未上（嘢飲都冇）。第一樣嚟嘅係意粉，個樣勁核突（冇影相），pat醬就咁達喺度。啲意粉乾爭爭，撈完仲難食。成碟野又乾又淡，啲蟹肉又細又臭臭哋好唔開胃。過咗勁耐先上個blackpink炸雞，得兩個雞髀，又油淋淋咁，啲醬令到個雞皮淋晒，唔新鮮唔好食。啲嘢就食晒先上嘢飲咁我嗌嚟做咩😓。杯熱朱古力一啲都唔熱，又有少少倒瀉咗，飲都尾發現啲朱古力都未融晒。杯檸檬水就中規中矩冇乜特別。又等咗一陣（好耐）嚿cake先上，見到好失望，$78得咁細嚿就算有嘢飲都唔係咁啦。但係啲味道算係咁多樣嘢入面最入得口嘅嘢😓。就走嗰陣先上返杯嘢飲，杯凍朱古力啲冰唔知點解一嚟就用晒，令成杯嘢水水哋，唔好飲。overall可以話呢間嘢係勁overrated，食完好失望，呢餐tea好唔抵食。原本埋單以為冇服務費（張online單話上面個金額就係埋單個數）就算係接受到，點知佢收+1，咁嘅

旺角地段今時今日要搵一間 cafe 不易蕃茄羅勒水牛芝士佛卡夏薄餅(餐)咖啡沙冰 走忌廉 少甜薄餅有驚喜一般薄餅都會覺得係圓、厚底 or 薄底上桌個刻有點差異點解上左份多士俾我地味道都好驚喜濃濃的🍅🍅蕃茄味🍅🍅又吾會蓋過芝士的味道兩者夾得剛剛好☕️🍧咖啡沙冰少甜都係太甜🥲炸薯條 配黑松露醬(餐)凍摩卡咖啡 薯條就一般摩卡睇得出花點小心機

下午叫咗個套餐 ，有和牛漢堡同草莓冰， 和牛漢堡嚟到嗰陣時已經聞到個焦香味好正 ，食落加埋薯條好有份量 ，難得小店都有咁有水準。 個乳酪草莓冰因為揀咗少冰， 所以唔係好夠凍 ，但個味道都其實係濃， 夠曬材料。 總括來講性價比高 ，如果個冷氣大啲更好。

Coffee Break (鴻輝大廈) (旺角)羅馬生菜配煙三文魚：份量正常🫢😻外觀打卡都唔錯！生菜🥬好清爽同煙三文魚🍣好夾做前菜好開胃龍蝦汁海蝦忌廉意大利粉麵既份量兩個人岩岩好，軟硬度正常入口配埋個汁係完全夾到😋🤤仲有3隻蝦做配搭又彈口牙爽口🙈🤤莓乳酪乳酪味道夾埋雜莓真係好夾🤣好飲到停唔到口同埋勁多雜莓夠晒大份量又夠料地點：旺角通菜街2Q-2Z號鴻輝大廈地下4號舖🔸味道：8.5/10🔸環境服務：9/10🔸推薦：8.5/10

ℂ𝕠𝕗𝕗𝕖𝕖 𝔹𝕣𝕖𝕒𝕜間中都會去這間cafe，今次光顧時並不多人，覺得比較奇怪，不過後來越來越多人入來。去這店通常吃意大利飯，不過今次吃意粉。意粉的汁味道不錯。綠茶鮮奶味道和質感一般。

Sounds crazy but have been going there three nights in row with friends. Not to mention their excellent service. The food is super yummy. So glad i found this place as every dish is superb! Love their set of 4 and its surely enough for 6 people. I am not a pizza person but i fell in love with theirs. Hurry to make your booking now.

俾個裝修吸引咗，點知中咗伏🤪個薯條真係好    貴，$58 得半杯。嗰杯朱古力真係淡茂茂，連鎖嗰啲都會好味過佢，咁我仲點解要嚟呢間小店幫襯？我最早坐低，薯條就比隔離幾張枱全部攞晒。要吹 waitress 先至記得去整👎。我成日覺得冇服務同埋貴都唔緊要，你整得好食你就威晒。呢間乜條件都冇，你夠勇敢帶朋友嚟食嘢嘅話就要帶定支凡士林呢個地段我食過最好嘅係登打士街嘅漢堡，漢堡包薯條同埋炸芝士都係好食，雖然坐得唔舒服，但係好食就得啦

一間位處旺角，靜中帶旺，環境舒服，不會密密麻麻。有足夠的空間讓客人有各自的小天地。到場已下午2:00，仲有不少客人。服務員安排好位置給我們，給我們QR code去點餐，仲有實體餐牌，體貼。朋友點了牛肉漢堡配著條，仲有咖啡。牛肉係安格斯，所以特別有肉味，當中有蕃茄蔬菜，十分相襯。我就選了魚塊配蔬菜，仲加了伯爵茶。魚塊超大，仲有兩塊，一定飽，仲可以減少澱粉質，good choice #芝士安格斯牛，好味#薯條超多食唔哂#白汁魚好味大件#蔬菜超多

位於旺角鬧市嘅Cafe-Coffee Break☕️環境寬敞,裝修設計簡約舒適☺️提供一系列嘅輕食、意粉、主食、甜品及咖啡,有好多選擇🤩啱晒同朋友傾計聚會🥳今次我同朋友試咗二人晚餐,有前菜、湯、主菜、飯或意粉、甜品同飲品,都只係三百幾蚊,好抵食👍🏻意大利火腿拼凍肉拼盤前菜揀咗意大利火腿拼凍肉拼盤,排得好靚😍意大利火腿煙燻味重,肉質柔軟、甘甜芳香同味道細緻😚凍肉火腿味道濃烈柔軟,充滿鹹香味👍🏻拼盤仲會跟埋沙律同麵包🥗🥖香煎美國安格斯肉眼扒主菜可以揀羊架、黑毛豬或者肉眼,我揀咗安格斯肉眼扒🥩大大件非常厚切🤩牛肉味香濃,肉質軟腍😝肉汁豐富💦另外配埋炒雜菜,有西蘭花、椰菜花、薯仔、紅蘿蔔等等🥦🥔🥕松子仁青醬帶子意粉另一款主菜可以選擇餐牌內任何意粉或意大利燴飯,亦可加錢升級轉扒類🥩我揀咗松子仁青醬帶子意粉🍝青醬有獨特嘅馥郁香氣,用蔬菜製成嘅醬汁,味道濃郁清新🌿帶子鮮甜,意粉充滿青醬嘅味道,口感彈牙😛楓糖千層蛋糕餐甜品係楓糖千層蛋糕🍰口感有啲似拿破崙, 甜甜地散發淡淡楓糖香氣🍯上面有一層好結實嘅cream☁️口感層次豐富😛飲品方面選擇好多,我地叫咗水蜜桃果粒茶同藍莓果粒茶🫖水蜜桃甜甜地🍑而藍莓就酸酸甜甜

尋晚平安夜，諗住早少少六點幾七點食晚飯先。諗住唔使阻人做生意，又唔使咁迫咁趕。行晒成條女人街兩邊食肆，結果停咗喺呢間門口，望咗陣餐牌。見到門面同啲相都幾好。咁就入咗呢間門面唔錯，但係就伏到不得了嘅餐廳。入到去坐低後，就比咗個餐牌我，仲話比我聽有乜嘢餐湯同甜品。點餐用qr code我都覺得無乜問題，我睇完都係點個二人餐，前菜就點煙三文魚配羅馬菜沙律，主菜就點咗個黑松露菌配什菌意大利飯，另一個係黑毛豬朳啦，飲品就加錢轉特飲，仲有得揀即起或者後起，我覺得又幾好吖。我點黑毛豬嘅時候，仲有得比我揀八成熟或者全熟。始終係豬肉，我都係揀返全熟。點完餐無幾分鐘，就有個女仔攞住兩個湯出嚟。最得意嘅，係個女仔唔知點解，放湯嘅時候條腰係伸唔直。唔知係佢隻手無力到攞唔起碗湯，定碗湯重到佢單手都好難攞住。佢放碗湯落枱時，條腰係九十度咁。我望住佢啲頭髮，就嚟hi到我碗湯。我見無事，都唔理佢啦！(但係做一間門面高級嘅侍應，點解唔係扎起啲頭髮，而係啲前陰可以咁樣褸褸幽幽。)一飲啖湯真係有驚喜，真心唔難飲嘅，但係就凍嘅。飲完個湯，未收碟就上沙律。都無所謂啦，個沙律一落枱，就嚟第二個驚喜。半棵羅馬菜切都無切，放幾塊煙三文

放工又走到旺角，晚餐就任意在女人街選了間餐廳解決！但想不到有意外驚喜。Coffee Break就在女人街街尾近家樂坊方向，鋪位好寬敞，座位亦好闊落，除了是Cafe晚上亦供應西餐！我地就選了dinner set for 2，價錢不過$368。前菜3選1，白酒番茄青口配香草包，青口肥美，一旁的麵包烤得香脆，點番茄醬汁好好食，被秒清了。餐湯是薯仔湯，味道不算好濃，但食野之前暖一下胃，都不錯。餐飲我們只點了擰茶及檸水，如果點其他飲品可補回差價即可。龍蝦汁海蝦忌廉意粉份量好足，蝦肉有很多粒，意粉口亦軟硬適中，雖然龍蝦汁味比較淡，但無損其可口。意粉入面仲有不少蘑菇，食落更加有口感。美國安格斯肉眼扒扒的大小有良心，大大塊，而且兩邊煎得甘香，邊位食落有少少微焦。三成熟亦做得剛好，呢塊扒真係抵食!!!一旁的伴菜都好食。甜品是自家製的Tiramisu，細細件都幾好食。呢個二人餐真心抵，因為塊扒唔使加錢食到，真係超值，又有大大碟意粉。加上環境寬敞又好坐，絕對值得支持的小店。

準備放大假，心情份外放鬆，在旺角配完眼鏡後，找到一家咖啡餐廳歇一下。二人餐比較經濟，有選擇困難的我們直接揀了幾樣做晚餐。南瓜湯碟子不錯看，香氣撲鼻，湯濃稠，口感香滑，有少許香草蒜包在內，調味對版，南瓜🎃味甜，喝完已有點飽。烤羅馬生菜配煙三文魚沙律菜蠻清爽，三文魚添了不少咸鮮味道，柔軟實在。羅馬生菜🥬碧翠，另灑上煙肉脆和芝士片、烤包粒跟流心溏心旦，滋味豐富又清新，略嫌不夠吃。香煎美國安格斯肉眼扒一上桌已有香味，煎得剛剛好五成熟，達致外脆內軟，肉質細嫩，牛味頗濃，份量足。旁邊的配菜顏色好看，簡單的調味，煮得已很味美滿足。松子仁青醬帶子意大利粉口味正宗，意粉彈牙非常，是即叫即做。松子散發著獨特的氣味，令意粉充滿果仁香。青醬的綠不只使賣相要好，還完全掛在意粉上，均勻濃郁，還加了洋蔥🧅蘑菇，帶子煎封得恰到好處，厚身鮮味，加上少少芝士碎，增了幾分咸香，如果帶子多兩件會更滿足😽一人吃畢甚飽肚。雜莓乳酪大大杯，酸甜解濟，是益力多的酸，帶微莓香。檸水正常😹解膩不增磅👐🏻食後感：菜式再吸引，環境再舒服，食飯的對象也最為重要。