Espresso Alchemy

Open Now

Now Closed

行街行到攰，想搵個地方坐下食吓嘢，見到佢嘅圓拱形設計，比佢吸引咗。青醬雞胸沙律配檸檬醋醬 ($93)份量十足，青醬雞胸入口好清新，有陣陣香草味，而且仲有微辛，質感柔軟，有驚喜，沙律菜爽脆，加上檸檬醋醬好清爽。烤雞菠蘿漢堡配檸檬乳酪醬及焗薯 ($128)麵包酥鬆，烤雞厚身香口，菠蘿香甜多汁，加埋檸檬乳酪醬更添清爽。西多士伴鮮漿果及雪糕配楓糖漿或自家制海鹽焦糖醬 ($76)楓糖漿自家制海鹽焦糖醬2揀1，西多士外脆內鬆軟，點埋自家制海鹽焦糖醬，甜中帶鹹，滋味誘人。伯爵茶鮮奶巧克力 ($48)濃醇朱古力中慢慢滲透伯爵茶茶香，清新不膩。