Video
Read full review
2024-10-28
684 views
同朋友慶祝生日，book咗間收藏好耐嘅Fine Dining🍽️睇到social media同openrice嘅相已經心心眼😍餐廳以圖書館為主題，帶點歐洲古典氣息，望出窗外可以見到維港景色。晚飯時間仲有駐場歌手，一邊聽住舒服嘅音樂，一邊享用晚餐，好relax🎶🎻Tasting Menu$1388 per head▪️Seafood TrioTrio可以話係一個海鮮盛盒！底層係日本海膽泡沫，鮮味十足。中間個層係薄切八爪魚片，入面加左檸檬汁，味道輕盈，作為前菜幾開胃。頂層就係魚子醬加上煙燻鰻魚mousse，口感細滑▪️Scottish King Razor Clam & King Crab淨係擺盆已經夠吸引，驟眼睇好似仲擺成一個笑臉😊乾冰製造煙霧彌漫嘅效果，相機食先！第一次食蟶子他他，同樣都係煙熏味重，另外有少少帝王蟹肉同三文魚子伴碟▪️Italian Zucchini Flower & Iberico Ham用上英式啤酒炸魚柳嘅做法將外層炸到金黃香脆，綿滑芋頭餡包住伊比利亞火腿，食落有啲似中式嘅炸芋角，配上意大利櫛瓜，味道爽甜解膩，個人幾喜歡呢道菜😋▪️Bouillabaisse龍蝦湯底作主，表面
同朋友慶祝生日，book咗間收藏好耐嘅Fine Dining🍽️睇到social media同openrice嘅相已經心心眼😍餐廳以圖書館為主題，帶點歐洲古典氣息，望出窗外可以見到維港景色。晚飯時間仲有駐場歌手，一邊聽住舒服嘅音樂，一邊享用晚餐，好relax🎶
🎻Tasting Menu$1388 per head
▪️Seafood Trio
Trio可以話係一個海鮮盛盒！底層係日本海膽泡沫，鮮味十足。中間個層係薄切八爪魚片，入面加左檸檬汁，味道輕盈，作為前菜幾開胃。頂層就係魚子醬加上煙燻鰻魚mousse，口感細滑
▪️Scottish King Razor Clam & King Crab
淨係擺盆已經夠吸引，驟眼睇好似仲擺成一個笑臉😊乾冰製造煙霧彌漫嘅效果，相機食先！第一次食蟶子他他，同樣都係煙熏味重，另外有少少帝王蟹肉同三文魚子伴碟
▪️Italian Zucchini Flower & Iberico Ham
用上英式啤酒炸魚柳嘅做法將外層炸到金黃香脆，綿滑芋頭餡包住伊比利亞火腿，食落有啲似中式嘅炸芋角，配上意大利櫛瓜，味道爽甜解膩，個人幾喜歡呢道菜😋
▪️Bouillabaisse
龍蝦湯底作主，表面有幾隻蜆肉，底層有兩隻自家製嘅蠔肉意大利餃，湯底鮮甜，餃子餡多啲會更好
▪️French Morel & Fish Maw
黑松露底下收埋左一片羊肚菌，整體好重煙熏味，香味十足。魚肚嫩滑，口感幾爽，食前店員幫忙淋上清雞湯，吸湯入味
▪️Charcoal Grilled French Pigeon
廚師建議乳鴿medium rare，鴿胸肉粉嫩，同樣帶煙熏味，鴿脾燒得幾香，熟成度剛好
▪️Charcoal Grilled A5 Miyazakigyu Beef
和牛細細件，仲有煎到有格仔紋，口感軟嫩多汁，另外配上炸牛筋，加埋bearnaise sause，幾夾
▪️Japanese Yuzu Mousse Cake
蛋糕小巧精緻，柚子味道清香，整體唔會太甜，入面包住紅茶味嘅Cream，擺盤好靚🥰
▪️Alger $88
因為第二日仲要返工，所以同朋友都冇嗌到酒，叫咗佢哋嘅Mocktail試吓。呢款味道有啲似啫喱糖，帶荔枝同芒果味
▪️Follet $88
賣相夠晒夏日feel，帶熱情果同菠蘿味，偏香甜，果汁感重
閒日黎都接近滿座，大部份都係慶祝生日或者周年紀念，環境夠浪漫🌹留一個難忘嘅回憶
Post
