La Rosabelle Bar & Grill

Open Now

Now Closed

放假相約朋友來個Happy Lunch，特意挑選了一間頗有情調的餐廳短聚，餐廳室內掛滿歐洲十八世紀的畫像，柔和燈光下的確幾浪漫。餐廳另設有室外座位，想與陽光共進午餐亦不錯。田園沙律（跟餐） 是日無湯，揀左兩碟都係沙律，沙律菜新鮮爽脆，黑醋汁高質食落開胃美味，俾多多都同佢清晒去。法式青口鍋配炸薯條 $168 青口數十隻，處理乾淨無沙，味道鮮美，配上濃郁的白酒忌廉汁愈食愈上癮，配埋薯條份量唔少，唔算好炸但好有薯味。炭燒豬仔骨配薯條 $168豬仔骨份量十足好多排量，肉質軟棉好易切開，啖啖肉口感滿足，BBQ醬汁濃厚酸甜美味。仲有沙律菜和薯條，好味又再食多一次。Iced Cappuccino +$20 味道一般淡淡地，都係咖啡＋牛奶＋奶泡姐。Cafe Mocha +$20有巧克力味道少少甜相對比較好飲。