Video
Read full review
2012-12-13
115 views
因為lunch太趕，平時好少會有閒情去食半自助午餐，其實我一直都好想試下究竟半自助午餐係點既? 岩岩星期一放假，約左屋企人去新城市行街，見新城市好多都係日本餐廳，平時都成日有機會食，我就建議不如去City Art一間歐陸情調餐廳試下。媽咪初時都驚會好貴，咁我就叫侍應俾個menu我睇下啦，佢話可以食半自助午餐，前菜、冷盤、湯、甜品可以任食，我見到$178每位都唔算好貴，就入座喇。入到去個氣氛好好，唔會好嘈，咁岩有大枱可以offer俾我地，我地3個人坐左sofa位，真係好寬敞。去左沙律吧度睇，有好多唔同種類既沙律，除左有常見既火箭菜、蕃茄，最特別係紅菜頭，如果就咁食既係唔會覺得佢好味既，但要夾埋d菜同埋千島沙律醬就一流，仲有其他沙律醬，有甜既有酸既，可以樣樣試下。隔離有好多冷盤，煙三文魚絕對不可不試。雖然西餐廳好多都有煙三文魚，但佢擺左係度可以任食，好多人一開始都圍住夾。我第一次拎左2塊，之後食完都係要再出去拎，好新鮮同感覺好清新，又唔會好咸。亦有拎煙燻煙肉，但應該醃製得比較咸，相比起三文魚下變得比較韌。可以試下芝士配餅乾，口感一軟一硬，因為有唔同既芝士俾我揀，起碼一般普通既buffet唔
媽咪初時都驚會好貴，咁我就叫侍應俾個menu我睇下啦，佢話可以食半自助午餐，前菜、冷盤、湯、甜品可以任食，我見到$178每位都唔算好貴，就入座喇。
入到去個氣氛好好，唔會好嘈，咁岩有大枱可以offer俾我地，我地3個人坐左sofa位，真係好寬敞。去左沙律吧度睇，有好多唔同種類既沙律，除左有常見既火箭菜、蕃茄，最特別係紅菜頭，如果就咁食既係唔會覺得佢好味既，但要夾埋d菜同埋千島沙律醬就一流，仲有其他沙律醬，有甜既有酸既，可以樣樣試下。
隔離有好多冷盤，煙三文魚絕對不可不試。雖然西餐廳好多都有煙三文魚，但佢擺左係度可以任食，好多人一開始都圍住夾。我第一次拎左2塊，之後食完都係要再出去拎，好新鮮同感覺好清新，又唔會好咸。亦有拎煙燻煙肉，但應該醃製得比較咸，相比起三文魚下變得比較韌。
可以試下芝士配餅乾，口感一軟一硬，因為有唔同既芝士俾我揀，起碼一般普通既buffet唔會有呢個選擇。有一款係特別值得推介既，佢既賣相好精緻，用左匙羹盛載住沙律，一款係有鮮蝦係入面，上面應該係d cream，另外一個係有d青瓜同埋蟹籽，感覺好似日本沙律，但配左好有士多啤梨味既醬汁，好甜好好味，我地每人都拎左2個黎食。
我睇poster有款係火箭菜白菌沙律配扒藍尾蝦，d菇好爽口，藍尾蝦果然係肉質結實d。其實我地食前菜都開始飽飽地，但主菜仲吸引。我地3個人每人叫左一款，可以share黎食。蟹肉帶子天使麵配蕃茄忌廉汁
有蟹肉帶子天使麵配蕃茄忌廉汁，蟹肉同帶子好鮮甜，而且份量都唔少，至少帶子每隻都係原隻上，蟹肉每粒都大大粒，配上酸酸甜甜既蕃茄醬岩岩好又唔會好膩。意式豬柳伴扒蘆筍及松蓉栗米蓉配馬沙拉汁
豬柳好堅韌，如果一個人食會好飽，如果2個人share食就岩岩好。味道都好濃，好彩蘆筍係天然無味既，一齊食可以中和到油膩既感覺。松蓉栗米蓉甜甜地，好似薯蓉既感覺。扒海鱸魚伴黑橄欖菠菜
本身我地好鍾意食魚，呢碟菜一上枱就聞到好香既魚香味，一定要趁熱食，因為咁樣個魚肉係最嫩滑，中間夾住菠菜，好"林"，最適合追求健康既人進食。其實真係好飽喇，但出面d甜品又賣相精美，冇理由唔試下架~
甜品種類好多，而有幾個用玻璃瓶載住既就吸引左我，芒果布丁食落去唔會好實，而且都幾多芒果粒，我地食完都讚口不絕，而其他既我因為太飽都冇試，但聽我屋企人講都話唔錯既。我地食完lunch之後，都可以頂到夜晚，價錢唔算太貴，而且物超所值，我下次都可以試下佢既dinner，因為都係以半自助既形式，應該會仲多食物選擇。
Post
