Bee Two French Baguette & Coffee (Closed)

＜懷孕 25週＞ 歐陸輕鬆午餐今天公司部冷氣突然壞了，老闆見到下午無咁忙，叫我今天lunch出去食耐d。自從懷孕以來，口味經常改變，每天都不知道自己想食什麼，今天的lunch時間仲要有2小時，所以就試下行遠少少覓食。沿住威靈頓街行，見到蓮香附近有間設計歐陸式的小cafe在街角，就行入去試下喇。同好多cafe一樣，有熱狗，all day breakfast, burger同意粉等選擇，我選左個挪威三文魚意粉＋2塊小食薯餅＋一杯熱奶茶。套餐價＄98不知點解懷孕之後突然鍾意左食熟的三文魚，以前一聞到熟的三文魚味就想嘔了，可能是潛意識覺得bb食左會有omega 3等好既營養去發展個腦。三文魚意粉是少量黑椒加白汁，比較杰身，但係味道好好，伴著蕃茄，洋蔥，三色椒的三文魚，感覺好似健康d，本來以為隻碟好細，應該好快可以食晒，到最後仲有一半可以外賣拎走，個意粉份量都不少。薯餅即叫即炸，好新鮮，好好味，中間多薯粒，不多太多粉。品嚐埋個奶味重的奶茶後就慢慢行返公司。