Video
Read full review
2023-08-29
89 views
📍Exotica Gelatea同朋友出銅鑼灣行街，見到有間異國風情既餐廳，裝潢幾有格調，以意大利🇮🇹古典風格為主題，餐廳裡面仲掛滿左藝術掛畫、歌劇面具、吊燈等，營造出獨特典雅既氛圍🌉Burger會分為三個set: Original, Combo同Tasting,而所有Combo同Tasting set 都會配薯條🍟🍔Wagyu Burger 和牛漢堡 ［Tasting] $77和牛好juicy!😋煎得好香；一啖咬落去，肉汁係口𥚃面融化，肉質細嫩，牛肉味蜂擁而出～配上特製嘅醬汁，味道酸酸甜甜，好開胃！而夾喺中間塊芝士有微微燒過，所以會見到芝士溶溶地包住塊和牛，相當邪惡！😈另外，漢堡包🍔表示有搽上牛油微微烘過，食落特別脆口🤓外脆內軟～加埋蕃茄同生菜個組合好match! 由於lunch time食得太飽既緣故，特意點左個tasting set,但都夠曬飽，啱曬小鳥野既女仔😉🌱Veggie Burger 素漢堡［Original] $105朋友就食得比較健康，叫左個素漢堡試下～用左素漢堡扒，食落既味道同肉差唔多，但用既係植物肉，肉質都幾結實，唔會話散開晒，反而食落擁有多汁既咬感，顛覆咗我對素
同朋友出銅鑼灣行街，見到有間異國風情既餐廳，裝潢幾有格調，以意大利🇮🇹古典風格為主題，餐廳裡面仲掛滿左藝術掛畫、歌劇面具、吊燈等，營造出獨特典雅既氛圍🌉
Burger會分為三個set: Original, Combo同Tasting,而所有Combo同Tasting set 都會配薯條🍟
1 views
0 likes
0 comments
和牛漢堡
2 views
0 likes
0 comments
🍔Wagyu Burger 和牛漢堡 ［Tasting] $77
和牛好juicy!😋煎得好香；一啖咬落去，肉汁係口𥚃面融化，肉質細嫩，牛肉味蜂擁而出～配上特製嘅醬汁，味道酸酸甜甜，好開胃！而夾喺中間塊芝士有微微燒過，所以會見到芝士溶溶地包住塊和牛，相當邪惡！😈另外，漢堡包🍔表示有搽上牛油微微烘過，食落特別脆口🤓外脆內軟～加埋蕃茄同生菜個組合好match! 由於lunch time食得太飽既緣故，特意點左個tasting set,但都夠曬飽，啱曬小鳥野既女仔😉
素漢堡
1 views
0 likes
0 comments
🌱Veggie Burger 素漢堡［Original] $105
朋友就食得比較健康，叫左個素漢堡試下～用左素漢堡扒，食落既味道同肉差唔多，但用既係植物肉，肉質都幾結實，唔會話散開晒，反而食落擁有多汁既咬感，顛覆咗我對素肉嘅諗法～同樣，係素漢堡扒上面，會有一塊微燒過既芝士同洋蔥🧅亦都有生菜同蕃茄，幾爽口！雖然食素，但不失滋味😌
Exotica Gelatea
4 views
0 likes
0 comments
🍯Gelato 1 Scoop On Honey Toast $99
食飽正餐當然要食返個甜品🤣麵包有烘過，有外脆內軟既口感，而包身幾鬆軟，仲有陣陣糖漿既甜味🥰麵包上面仲加左球雪糕🍨Gelato既口味任君選擇，今次就揀左Rose Mullberry Cream🌹味道酸酸甜甜，莓味偏重，口感好smooth,唔會太甜；Gelato夾埋麵包既味道幾夾，值得一試！
⭐️好味指數：8/10
📍Exotica Gelatea (銅鑼灣)
銅鑼灣霎東街49號地舖
#銅鑼灣 #ExoticaGelatea #Gelato #burger #和牛漢堡
Post
