Video
Read full review
2010-06-24
46 views
師傅早幾日趁住唔使返到監房, 於是就相約左封筆食家"今餐食乜好"同埋幾大個頭嘅大粒墨食晚飯; 由於大粒墨較遲先可以鬆人, 師傅就同左封筆食家"今餐食乜好"黎個歡樂時光, 而呢間食店就成為了歡樂時光的聚腳地!晚上六點都未夠, 店內人唔算多, 於是就揀一個位置涼嘅地方先坐底; 坐底後第一時間睇下有咩吸引, 最後一人柯打左一杯大生啤, 落左單後, 封筆食家"今餐食乜好"決定柯打一個小食黎送下啤酒! 等左好耐下兩杯大生啤先至登場, 兩個人都係柯打同一款生啤 --- Wernesgruner, 呢隻啤酒師傅從來都未飲過, 入口味道幾濃, 帶少少苦, 唔算好清同滑, 對於師傅黎講呢種味道並不特別喜歡, 但亦不厭惡; 雖然話係大杯, 但份量唔算多, 點都唔夠Hoegardan嗰杯咁大, 不過大熱天時又有咩比隊杯生啤咁清涼解渴呢? 飲飲下個小食都黎, 師傅起初都唔知封筆食家"今餐食乜好"柯打左咩, 所以見到呢個小食後份外吃皮, 皆因合晒“何車”, 呢個小食係墨西哥肉醬粟米片, 雖然係小食但份量唔少架, 粟米片熱熱地十分之脆, 咬落真係卜卜脆, 而粟米片上的肉醬非常香, 配上粟米片亦堪稱一絕, 唔錯喎!
晚上六點都未夠, 店內人唔算多, 於是就揀一個位置涼嘅地方先坐底; 坐底後第一時間睇下有咩吸引, 最後一人柯打左一杯大生啤, 落左單後, 封筆食家"今餐食乜好"決定柯打一個小食黎送下啤酒!
等左好耐下兩杯大生啤先至登場, 兩個人都係柯打同一款生啤 --- Wernesgruner, 呢隻啤酒師傅從來都未飲過, 入口味道幾濃, 帶少少苦, 唔算好清同滑, 對於師傅黎講呢種味道並不特別喜歡, 但亦不厭惡; 雖然話係大杯, 但份量唔算多, 點都唔夠Hoegardan嗰杯咁大, 不過大熱天時又有咩比隊杯生啤咁清涼解渴呢? 飲飲下個小食都黎, 師傅起初都唔知封筆食家"今餐食乜好"柯打左咩, 所以見到呢個小食後份外吃皮, 皆因合晒“何車”, 呢個小食係墨西哥肉醬粟米片, 雖然係小食但份量唔少架, 粟米片熱熱地十分之脆, 咬落真係卜卜脆, 而粟米片上的肉醬非常香, 配上粟米片亦堪稱一絕, 唔錯喎!
總括黎講食物質素令人滿意, 環境非常舒服, 服務友善, 而價錢應該唔貴吧, 皆因是次係由封筆食家"今餐食乜好"找數, 所以師傅真係唔知價; 數下手指加埋腳指, 師傅都好鬼死耐冇試過咁早黎歡樂時光嘆番杯, 同封筆食家"今餐食乜好"就更加少之有少, 唔知幾時先可以再同封筆食家"今餐食乜好"黎歡樂時光呢? 笑臉值得一比, 一定會再黎, 皆因想試多幾款其他小食!
最後再次多謝封筆食家"今餐食乜好"嘅歡樂時光!
Post
