Drunkerland

Open Now

Now Closed

臨近暑假尾，honey每日都要超時工作去趕工，週四晚亦只能抽空一小時短聚。由於時間有限，兩口子就決定喺酒吧「Drunkerland」共渡歡樂時光 。傍晚六點，店子已五成滿座，客人開心暢飲，氣氛極之歡樂。眼見肥哥哥正擺出獨家發售o既自家精釀啤酒推介黑板，小肥即立心要一嚐「香港赤柱」風味 。小店飲品餐牌及食物餐牌均有兩頁，合共四頁。自家品牌啤酒「香港赤柱」屬生啤，歡樂時光每杯$60。微甜o既港產啤酒味道帶有果香，清新消暑。 胃口唔大o既honey簡單叫咗客「燒鯖魚」當晚餐。佢激讚鯖魚香口惹味，魚肉幼嫩可口，真係估唔到一間細細o既酒吧居然燒得比坊間o既日式料理還要出色 ，$68可真為超值之選。小肥仲有下場，所以就點咗客「蒜蓉牛油雞翼」黎送酒。喺暗黑o既環境難以捕捉天然光影相，故小食o既相片質素唔係咁好，還望大家見諒。熱辣軟嫩o既雞中翼蒜香味香濃，每件都同樣炸得鬆脆乾身，一客有六大件，$68真係抵食 。小本經營o既「Drunkerland」主打清香易入口o既自家製生啤「香港赤柱」，店中隱世o既肥哥哥更能煮出美味o既小食，有心又出力，難怪二人七時前離開，小店已座無虛席，加油 ！