Video
Read full review
2009-05-14
2 views
每個星期我都會同老友們一聚,大家飲吓酒呻吓工作啲不滿. 星期二就去咗一間喺尖東嘅Wine Bar.我哋一行八人,揀咗outdoor坐.(因為我哋大部份都係煙民) 嗰日天氣唔錯, 對住維港夜景, 吹吓海風, 感覺好舒服.坐低第一Round, 我哋通常都飲Beer熱吓身先嘅! 唔好以為佢喺尖東海景Wine Bar就一定好貴, 我哋叫咗一round Corona, Happy Hour 都只係$22支咋, 有兩個Friend就叫咗生啤, Stella and Hoegaarden. 大大杯都係$44蚊, 超抵飲!歡樂嘅時光過得特別快, Happy Hour時段完咗, 我哋轉飲紅酒, 叫咗支澳洲嘅Shriaz. 飲落感覺幾dry, 不過啱我飲(因為我唔鐘意飲Fruity嘅wine) 價錢都唔貴, $268only. 之後,叫咗啲嘢食, 嗰道個肥仔經理介紹咗啲小食試:Flameing Tower: 18串串燒, 有羊柳,牛柳,煙肉包青口,帶子,鮮菇,螺肉,雞翼...仲有兩樣唔記得係咩, 啲串燒砌到好似個火爐咁, 中間仲有啲火燒住, 令到啲串燒味遠遠都聞到. ($168)Jade Roll: 用吉
我哋一行八人,揀咗outdoor坐.(因為我哋大部份都係煙民) 嗰日天氣唔錯, 對住維港夜景, 吹吓海風, 感覺好舒服.
坐低第一Round, 我哋通常都飲Beer熱吓身先嘅! 唔好以為佢喺尖東海景Wine Bar就一定好貴, 我哋叫咗一round Corona, Happy Hour 都只係$22支咋, 有兩個Friend就叫咗生啤, Stella and Hoegaarden. 大大杯都係$44蚊, 超抵飲!
歡樂嘅時光過得特別快, Happy Hour時段完咗, 我哋轉飲紅酒, 叫咗支澳洲嘅Shriaz. 飲落感覺幾dry, 不過啱我飲(因為我唔鐘意飲Fruity嘅wine) 價錢都唔貴, $268only. 之後,叫咗啲嘢食, 嗰道個肥仔經理介紹咗啲小食試:
Flameing Tower: 18串串燒, 有羊柳,牛柳,煙肉包青口,帶子,鮮菇,螺肉,雞翼...仲有兩樣唔記得係咩, 啲串燒砌到好似個火爐咁, 中間仲有啲火燒住, 令到啲串燒味遠遠都聞到. ($168)
Jade Roll: 用吉列豬包住啲螺肉,白菌同露筍. 連埋上面隻蝦一齊食,有＋件,味道一流 ($128)
另外仲叫咗炸魷鱼圈, 墨西哥芒果卷同巴馬火腿煮蜆,每樣都四十幾蚊, 啲味道濃啲, 但飲住紅酒都OK.
最後飲多支紅酒, 就散Band. 埋單都係仟二蚊!
決定下個禮拜再嚟飲過!
Post
