Chill Inn (Closed)

Emax開左間寵物友善的餐廳🐶🐱😆地方寛敞，空間感十足。餐廳分為兩邊，一邊係不可以帶寵物，另一邊營地則是可以帶寵物。隔住玻璃望向對面，見到狗狗同主人們都非常開心，有個咁舒服既地方俾佢地休息食下野👍如果要到狗狗營地，大家要先到隔離點餐，食物會以外賣方式送到營地。我諗外賣形式應該係為左保持地方乾淨，同埋貓狗冇得明目張膽咁偷食人類食物掛😂波士頓龍蝦生蠔海鮮凍盤先叫左一個海鮮冷盤，除左有波士頓龍蝦，仲有生蠔，蜆肉，青口，螺。龍蝦肉質爽口又多膏。至於生蠔，菜式冇提供生蠔醬，大家可以加少少檸檬汁或者新穎d試下泰式辣汁😂不過我就建議點檸檬汁酸酸地夠了，我覺得泰式汁加海鮮唔係太夾🙈串燒拼盤 既然係東南亞菜，又點可以唔叫返碟串燒呢。串燒拼盤分有豬肉，雞肉，同牛肉各兩串。原來以為有沙嗲汁，點知都係同一款泰式醬😂酸酸辣辣都唔錯，幾開胃。燒原條盲鰽魚配芝麻白飯最有驚喜的一定係呢個😍原本只係因為想食魚而叫，估唔到咁大條又多魚肉，魚肉燒得嫩滑，而且呢款魚冇咩細骨，食得好方便😋大大條的鰽魚魚肉多到一碗白飯都唔夠佐飯呀😂魚肚中間加了香料一齊燒，而且魚皮燒得香脆👍