廣東燒味餐廳

Open Now

Now Closed

太子燒味餐廳有好多間，老實講而家啲後生又點會無啦啦走去食燒味飯呢，但係今日心血來潮見自己好耐冇食過就諗住去搵一間好味嘅食下，左比右比之下決定你呢一間廣東燒味餐廳，貪佢掛出嚟嘅燒味較多，仲寫埋馳名燒味可以比較，好似好有信心我同朋友各自帶咗一個燒味雙拼，包括一個叉雞瀨同埋燒鴨乳豬飯。等咗大約15分鐘，燒味飯來講都算耐。首先講一講叉燒先，醃料太多，叉燒太乾同埋太瘦，麻麻哋好食。再講埋個雞，雖然佢比個位係雞髀位但係太乾太鞋仲衰過街市啲燒味飯。夜燒鴨同埋乳豬就OK喎，乳豬脆口，燒鴨唔會咬唔開，醃料個味道都OK。埋單$100 ，中規中矩啦