阿爺燒味

Open Now

Now Closed

依日放假，去街市行下睇下有咩靚菜買下咁。行到攰攰地想搵個地方，坐低食下野😋，休息下😊。經過門口，見到大大個招牌，阿爺燒味，我即刻諗到TVB個頂爺，吾知佢有冇份開，應該冇，除非有😂😂吾講廢話了🙄🙄🙄，入去試下先，價錢好平民化，但個裝潢好有中國風味，店面同店內都係，木枱木櫈啦，啲碗都係懷舊個種。講返野食，飯係貴啲，瀨粉平啲。我叫左瀨粉，一個送同兩個送嘅價錢係一樣嘅，食肉獸當然叫兩送，份量好多，我竟然食吾晒啲肉，你話多吾多？張相望落可能份量吾多，但佢個碗係大過一個手掌我男友叫左單送， 滷水雞脾瀨粉，個雞脾吾係講笑，大到嚇左一跳，吾講以為係火雞脾添(講笑)店員有禮貌，幫襯嘅多數係街坊，有講有笑咁，幾好氣氛。