麺屋武蔵 (Closed)

掛住日本嘅味道，特別係拉麵。朋友介紹麵屋武藏 ，拉麵質素唔錯，所以今日專程去AMP試下。午市時間都比較多人，好彩唔洗等太耐。嗌左炙燒豚肉麵 + 炸魷魚鬚 。炙燒豚肉麵 : 有半隻半熟蛋+豚肉+ 拉麵 +葱花。豚肉肥瘦適中，加上用炙燒嘅煮法，好香口。半熟糖心蛋，蛋黃入口即溶，蛋白甜味適中。至於拉麵麵質偏硬身，啱晒我口味。湯頭味道唔會好漏。小食炸魷魚鬚份量十足，炸到脆卜卜，唔會好乾身。另外呢到嘅環境都幾寬敞，坐得好舒服 。