鴨子園 (Closed)

今日入左天水圍探朋友，晚餐佢哋帶我來食京川滬菜鴨子園。聽朋友講天水圍的大商場都欠缺美食，來來去去都係快餐。近來呢個商場重新裝修，佢地話住附近的街坊終於有啖好食，成個商場因此多左好多人氣。店名叫得鴨子園，相信係呢度的鴨不得不叫。北京烤填鴨半隻$138鴨皮香脆，略嫌唔夠薄。肉質鮮嫩適度，配以大蔥絲、青瓜條、甜醬，用薄餅皮卷住同食，非常滋味。份量多，足夠4個人食用，每人都有2-3件。鴨肉小籠包4隻$43普通的小籠包食得多，呢度有比較特式的鴨肉小籠包，當然要試一試咩味道。小籠包皮薄多汁，整粒一啖入口，有濃淡得宜的鴨湯味在口內瀉出，好食!腿茸津白$70津白爽口清甜，夠白夠嫩。相比奶油津白，我哋比較鐘意腿茸津白，因為奶酥味較少，感覺更清新健康。山煎鮮肉包3隻$36肉餡飽滿，如包底煎得更脆會仲好。京城粗炒$68配料豐富，有大量椰菜絲、菇絲同肉絲配料，粗麵條腍中亦有嚼勁。色澤雖然深，但入口反而味淡，我就加埋豆瓣醬豐富一下味道。另加一及茶介每位$4此行感覺天水圍都有唔錯的食市，一改我以往對天水圍的迷思。