Video
Read full review
2021-10-03
257 views
是咁的，話說當日諗唔到食乜好，行咗入D2 place之後見到大大隻字promotion「正價飲品，半價菜色」，好似好抵咁喎！試試佢！環境☑️☑️☑️☑️Holly Brown嘅環境唔多講，間店開咗咁耐，又喺D2裡面，一定會乾淨舒服，算好坐！味道☑️☑️☑️既然飲品正價，食物先有半價，咁當然叫咗飲品先。叫咗杯最穩陣嘅Ice Latte同Mango Smoothie，前者無驚無喜俾佢防守成功，後者個芒果沙冰味道有啲假，但唔算難飲。之後叫咗兩個主菜，分別係美國牛肩扒配燒汁及薯條，同鮮露筍大蝦帶子墨魚汁闊條麵。前者牛肩扒正價$318，肉質軟淋有牛味，要Medium係剛剛好嘅選擇。唯一敗筆嘅地方係份量極細，大約3份2 size iPhone pro Max，切開大約分到5條牛肩條，每條約手指尾嘅大細。但重申，味道係好食的。另一個鮮露筍大蝦帶子墨魚汁闊條麵，帶子肉質彈牙入味，而大蝦雖然肉質都係彈牙但無乜味，與墨魚汁闊條麵偏少少鹹嘅情況形成強烈對比，再者個闊條麵少少偏油。整體感覺不過不失，剛好合格吧。性價比☑️☑️基於大大隻字50% off，先入為主預期會好抵食吖嘛，但係個份量的確唔多，當日食咗$400幾都唔飽，尤其
環境☑️☑️☑️☑️
Holly Brown嘅環境唔多講，間店開咗咁耐，又喺D2裡面，一定會乾淨舒服，算好坐！
味道☑️☑️☑️
既然飲品正價，食物先有半價，咁當然叫咗飲品先。叫咗杯最穩陣嘅Ice Latte同Mango Smoothie，前者無驚無喜俾佢防守成功，後者個芒果沙冰味道有啲假，但唔算難飲。
之後叫咗兩個主菜，分別係美國牛肩扒配燒汁及薯條，同鮮露筍大蝦帶子墨魚汁闊條麵。前者牛肩扒正價$318，肉質軟淋有牛味，要Medium係剛剛好嘅選擇。唯一敗筆嘅地方係份量極細，大約3份2 size iPhone pro Max，切開大約分到5條牛肩條，每條約手指尾嘅大細。但重申，味道係好食的。
另一個鮮露筍大蝦帶子墨魚汁闊條麵，帶子肉質彈牙入味，而大蝦雖然肉質都係彈牙但無乜味，與墨魚汁闊條麵偏少少鹹嘅情況形成強烈對比，再者個闊條麵少少偏油。整體感覺不過不失，剛好合格吧。
性價比☑️☑️
基於大大隻字50% off，先入為主預期會好抵食吖嘛，但係個份量的確唔多，當日食咗$400幾都唔飽，尤其是個扒兩個人分，每人食到「兩嚿壽司🍣」咁上下嘅分量。相反，你話$400幾係正價我反而「鋸」啲。
左：芒果沙冰 右：朱古力咖啡
13 views
0 likes
0 comments
美國牛肩扒配燒汁及薯條
$318
16 views
0 likes
0 comments
美國牛肩扒配燒汁及薯條
14 views
0 likes
0 comments
鮮露筍大蝦帶子墨魚汁闊條麵
14 views
0 likes
0 comments
Post
