Video
Read full review
2018-07-09
79 views
今晚放工同朋友出開深水埗行街買電腦用品，買完野又到晚飯時段，唔知食咩好，係黃金附近行下逛下經過呢間小店，店外面有個stand有價錢牌，望見價錢幾相宜，決定入去歇歇食下晚飯。行到鬼死咁熱一身汗，入到去，店鋪冷氣充足，即刻個身爽番晒。店鋪約有三十個坐位，長方形格局，想不到小店職員態度友善誠意，讚得一值。兩個人分別點左個招牌麻辣牛腩麵和大腸麵(價錢只係每碗$38)，重點係個麵底好特別，煙煙unun咁好有咬口，麵條十分Q彈咬性十足，未食過呢種麵底，好食。牛腩和大腸煮得好入味。湯底好入味，帶點微微辣麻香，好吃至於小食方面，望見餐牌小食堅抵，大既平抵都係大多元，小的都唔個10元，所以我地點左好幾個小食。黄金皮蛋，口感一流，帶流心，超好食，價錢只係$10，絕對物超所值，開胃小菜既一個好選擇。少辣口水雞(價錢只係$38)，雞肉滑且份量幾多下，最羅我命3000既係啖啖肉，雞肉軟糯惹味，成隻脾位來的，啲辣汁真係獨門秘方，辣得有香味，芹菜又令到佢食落有清香。辣油入眠有花椒同其他無知名的調味料，帶微辣，仲有淡淡嘅麻油香，總之一個字，正！配麵食一流。食完啲雞肉我地仲用啲辣油點其他小食食，一啖啖停唔到口！蒜泥白肉
行到鬼死咁熱一身汗，入到去，店鋪冷氣充足，即刻個身爽番晒。店鋪約有三十個坐位，長方形格局，想不到小店職員態度友善誠意，讚得一值。
兩個人分別點左個招牌麻辣牛腩麵和大腸麵(價錢只係每碗$38)，重點係個麵底好特別，煙煙unun咁好有咬口，麵條十分Q彈咬性十足，未食過呢種麵底，好食。牛腩和大腸煮得好入味。湯底好入味，帶點微微辣麻香，好吃
至於小食方面，望見餐牌小食堅抵，大既平抵都係大多元，小的都唔個10元，所以我地點左好幾個小食。
黄金皮蛋，口感一流，帶流心，超好食，價錢只係$10，絕對物超所值，開胃小菜既一個好選擇。
少辣口水雞(價錢只係$38)，雞肉滑且份量幾多下，最羅我命3000既係啖啖肉，雞肉軟糯惹味，成隻脾位來的，啲辣汁真係獨門秘方，辣得有香味，芹菜又令到佢食落有清香。辣油入眠有花椒同其他無知名的調味料，帶微辣，仲有淡淡嘅麻油香，總之一個字，正！配麵食一流。食完啲雞肉我地仲用啲辣油點其他小食食，一啖啖停唔到口！
蒜泥白肉，豬腩切得夠薄，煮到僅熟，配蒜泥葱花一齊食，十分惹味！推介！
麻辣鹵味豬耳平時食開既豬耳都係爽脆口感，但呢碟有點意外係軟骨位置係帶脆既~只是皮既部份較軟稔，有嚼勁得來好爽口，初吃時不太覺得辣，慢慢才感受到那種香辣又有些鹵味既濃味
雞翼尖(價錢只係$10)也做到很出色，好入味道。
再配杯自家制豆漿，真係飲得出係自家制作，好濃豆味，豆漿唔死甜，有解辣燥熱既效果，所以飲左兩大杯，每杯都只係6蚊。
综合各方面，食物價錢係呢個市道真係市面難求既抵，抵到竟然仲有小食只係賣唔超過10零廿蚊而仲係大大碟的，而抵得難仲係好味呢下先羅你命3000，食物有素質，夠味道，尤其是喜歡麻辣味道既同志們真係要試試。
Post
