Video
Read full review
2023-08-23
143 views
呢間餐廳裝修好靚，一出𨋢門口位掛左好多名人嘅相片，我地相信有咁多名人捧場一定質素日咁上下。餐廳內有啲天花吊住裝飾用的花球，燈光色吊雅致，座位又舒服。而且播住張學友啲經典歌曲，真心想坐耐啲食好野。仲有兩幅人像畫陪我地食飯😆餸菜可以點唔辣， BB辣，啱晒我哋呢啲唔太食得辣嘅朋友，連小朋友都可以食。燒椒小皮蛋（例）68元呢個菜式唔太多係四川菜餐廳叫到，原因佢用鵪鶉蛋整出嚟嘅皮蛋而不是鴨蛋整嘅。小皮蛋部份色澤金黃色，睇到裏面的蛋黃，賣相都好靚。味道比起一般皮蛋刺激性較低食得多都唔那舌頭，口感QQ彈彈好似啫喱，非常容易入口。涼拌魚皮卷（例）78元魚皮捲每件大小合適，唔會一件大一件細。調味撈得唔錯，唔會覺得佢太鹹，酸味比較少，而鮮味比較多。魚皮煮得爽口，以涼拌菜嚟講煙煙韌韌合適開胃。呢個菜應該少味精，食完之後無口渴情況呢點值得讚👍🏻水煮系列酸菜味型剝皮魚（例）248元終於到左主菜系列啦～^_^，唔係講笑，份量真係超級多：單單淨係個花花形狀嘅容器都佔咗差不多三份一張枱，上面有啲花瓣飄住喺個湯上幾賞心悅目。辣椒粒唔太多唔會食個陣邊食邊吐辣椒皮🌶️，真心體會到餐廳既體貼。湯嘅酸菜味好濃，鮮味十足。因為我地
餐廳內有啲天花吊住裝飾用的花球，燈光色吊雅致，座位又舒服。而且播住張學友啲經典歌曲，真心想坐耐啲食好野。
仲有兩幅人像畫陪我地食飯😆
餸菜可以點唔辣， BB辣，啱晒我哋呢啲唔太食得辣嘅朋友，連小朋友都可以食。
燒椒小皮蛋（例）68元
燒椒小皮蛋
$68
30 views
0 likes
0 comments
呢個菜式唔太多係四川菜餐廳叫到，原因佢用鵪鶉蛋整出嚟嘅皮蛋而不是鴨蛋整嘅。小皮蛋部份色澤金黃色，睇到裏面的蛋黃，賣相都好靚。
味道比起一般皮蛋刺激性較低食得多都唔那舌頭，口感QQ彈彈好似啫喱，非常容易入口。
涼拌魚皮卷（例）78元
涼拌魚皮捲
$78
27 views
0 likes
0 comments
魚皮捲每件大小合適，唔會一件大一件細。調味撈得唔錯，唔會覺得佢太鹹，酸味比較少，而鮮味比較多。魚皮煮得爽口，以涼拌菜嚟講煙煙韌韌合適開胃。呢個菜應該少味精，食完之後無口渴情況呢點值得讚👍🏻
水煮系列
酸菜味型剝皮魚（例）248元
水煮系列 酸菜味型剝皮魚
$248
26 views
0 likes
0 comments
終於到左主菜系列啦～^_^，唔係講笑，份量真係超級多：單單淨係個花花形狀嘅容器都佔咗差不多三份一張枱，上面有啲花瓣飄住喺個湯上幾賞心悅目。辣椒粒唔太多唔會食個陣邊食邊吐辣椒皮🌶️，真心體會到餐廳既體貼。湯嘅酸菜味好濃，鮮味十足。因為我地叫BB辣所以會少啲辣，湯頭超合適下飯。味精都應該同魚皮一樣唔多所以飲完唔會口渴。我們約略數下魚塊既數目超過20塊以上，以酸菜魚黎講真係實惠，剝皮魚冇乜細骨，啖啖肉好易食。如果怕唔飽，底下好多薯粉同芽菜，包你食到飽飽先走。
餐廳仲免費送贈每人一碗類似八寶粥既甜品，糖水啲豆沙煮得好粉唔太甜，無乜渣又好味，估唔到糖水係個意外驚喜
飯後甜品
12 views
0 likes
0 comments
我地亦有叫其他東西，包括：白飯 12元，加多寶18元。食物質素總體唔錯，侍應反應速度好快，基本上嗌一次就會有人回應。每次上菜除左簡短介紹菜品之外，都提醒我哋慢慢食，唔使心急，值得比個like👍🏻第日有朋友想食都會介紹去呢間食四川菜，正😄
Post
