川莊

Open Now

Now Closed

中午做完嘢都一點半，餓得滯同班同事入左呢間食佢個午市烤魚慰勞吓自己😛環境都幾好，影果陣暫時無乜人，但好快就有一群群人入嚟食嘢。烤魚當然想食辣👍🏻😛揀左海鱸魚，小麻小辣佢個川茶解解辣同膩感，入面有好多種嘅茶料，要用一用傳統中式飲法：蓋住茶蓋飲。唔錯唔錯👍🏻我自己鐘意食午餐肉，呢度有炸過先上，好邪惡啊！同事就揀左牛肚同水晶粉皮。職員都好貼心提醒我地，水晶粉皮早啲落先好食，午飯時間寶貴呀😄主角海鱸魚出場～啲肉好滑同易夾，又唔覺特別多骨～啲配菜同條魚都好入味。食到咁上下，啲麻味同辣味喺條脷度，啖啖都好過癮佢嘅午餐肉炸過，自然好吸辣汁，零舍入味，真係啱哂我，偶爾一次都好呀！夾起好滑，食落彈牙同入味。配料十足，令到成條魚香口同夠辣。