胡爐 (Closed)

老婆最中意打邊爐，知道呢間胡爐開左唔係好耐，新邊好多朋友都推介，一於試下佢係咩料。黎到呢間鋪頭，雖然唔算好大，但私隱度極高，有屏風遮住每一枱，真係好少有餐廳會做到。雖然得一個侍應 ，但服務好周到叫左個招牌火焰龍蝦海鮮湯底，侍應會即刻係你面前炒隻龍蝦，飲完湯再打邊爐。龍蝦唔算多似，但湯底好香海鮮龍蝦味。最直得推介既係紫菜嚮玲，佢既嚮玲係自家製，腐皮入面包住紫菜，味道都好夾，而且一d都唔油膩。再試埋雙拼丸-麻辣牛肉餃拼xo 醬蝦餃皇。價錢雖然好貴,但真係好好味，值得一試。麻辣牛肉餃真係好麻辣，食完之後仲會停留左小小麻痺既感覺係個口入面。而xo醬蝦餃皇，雖然唔太食得出有xo醬味 ，但大大隻蝦，非常足料。食飽後，仲會有甜品食，甜品食左椰汁糕，佢面頭仲要有燕窩，真係好重本呢