台角

Open Now

Now Closed

香港人真係非常之鍾意台灣，之前未封關嘅時候，好多香港人都會係趁一個小週末嘅時候就已經會飛過去台灣，去台灣夜市食小食趁機仲可以行吓街，感受下台灣文化，我自己都非常之鍾意台灣，因為我自己係鍾意食嘢嘅，同埋鍾意一啲自然嘅環境而台灣真係非常之正👍👍👍去台灣嘅人當然唔少得要去食台灣嘅小食啦，台灣真係非常之多嘅小食，乜嘢口味嘅人都啱，真係好正好好食。✌️✌️✌️✌️✌️✌️知道呢度有間新開嘅台灣小食店，第一時間就過嚟試吓啦，因為台灣小食店喺香港開好多，口味都係好唔同嘅。所以真係要周圍試吓唔同嘅口味睇吓邊間自己最鍾意食，就算喺台灣嘅夜市都有唔同嘅口味啦係咪先，哈哈。台角小食拼盤 $58可以叫唔辣小辣或者大辣，而且仲有好多嘢食甜不辣百葉豆腐地瓜脆條四季豆雞軟骨雞中翼鹽酥雞塊，咁多樣嘢仲有一樣嘢啱你食，同埋呢個價錢唔貴，咁多嘢食來講先至$58.自己覺得呢間野都幾抵食，下次可以試吓其他嘅飯類或者面，因為佢都係唔貴嘅。