熊本牛鍋 (世宙商場)

Open Now

Now Closed

今日嚟到熊本牛鍋食飯，叫咗一個澳洲和牛放題，今次嘅款式都幾豐富。首先嚟嘅下一個雞煲，雞煲嘅調味非常之足夠，雞肉亦都好彈牙，唔會煮得太過老。食完雞煲之後，就開始打邊爐啦。佢哋分別有頂級牛，澳洲和牛，牛白肉，豬肉等等。澳洲和牛入口非常之香甜，脂肪亦都非常之充足，充滿着油香。頂級牛方面，肉味比較突出，牛肉亦都切得比較厚身，幾有口感。呢啲牛肉都係可以任點嘅，所以食完邊一款覺得好味，都可以再叫。除咗牛肉之外，出邊仲有任食任拎嘅地方，當中我比較欣賞嘅就係貢丸，依度嘅貢丸同出邊食嘅都有少少唔同，入口充滿肉汁。另外，佢哋亦有蔬菜區，蔬菜都非常之新鮮，入口好清甜。最後嚟嘅係一個海鮮拼盤，包括有蝦，鮑魚，帶子，蠔等等。全部海鮮都非常之新鮮，入口鮮甜，真係令人回味。另外，出邊亦都有雪糕區，我今次就拎咗啲曲奇雪糕，味道都唔錯。