正品蕃茄湯麵店 (Closed)

昨日和老公在荃灣行完街，無意中見到這間麵店，湯底是蕃茄湯和見有墨魚餅及肉餅都幾吸引，見有位就入去坐低。我地叫左腐皮墨魚卷湯麵餐，香煎墨魚餅拼隊長肉餅飯餐，炸墨魚小雲吞 (4件)｡腐皮墨魚卷皮薄香脆，墨魚彈牙，湯底揀左酸菜蕃茄湯很濃蕃茄味，酸酸地好開胃，麵係蕃茄麵條，並唔係被湯染成紅色的，麵質彈牙，整碗湯麵都好好味。 墨魚餅拼肉餅飯每款有2大塊，肉餅鬆軟唔太實，墨魚餅每食一口都有墨魚粒，好有口感。 炸墨魚小雲吞外皮炸到卜卜脆，配甜酸醬一起食十分惹味。