渝味曉宇重慶老火鍋 (如心廣場) (Closed)

總會有種迷思係越重口味嘅食物，就會越重味精，渝味曉宇火鍋雖然香濃醇厚，但全線分店所有湯底均不含味精，以天然香料為主，正啊！等我教大家食毛肚！ 經常有人將牛肚/毛肚/牛百業混淆，今日就教大家一個冷知識💡其實以上三種都屬於牛胃，牛肚或者金錢肚又叫網胃；瘤胃就係毛肚，因表面似一塊毛巾而得名；而瓣胃就叫牛百葉，三種食材無論外觀定口感都略有不同🐂毛肚塊狀最大，富含蛋白質、鈣、磷、鐵等，具有補益脾胃，補氣養血，補虛益精的作用，好吃又營養，口感爽口彈牙，完全沒有內臓騷味，卡路里亦低，一試之後，回頭率極高。