十二味 (山市樓) (Closed)

上次食過北角十二味分店既酸菜魚，覺得好好味。今次黎到西環分店就想試下第二樣。 一開波就叫左杯熱情果梳打先，踏入夏天，E杯酸酸甜甜既梳打開胃一流。之後就叫左個午市套餐既川香回鍋肉，係用腩肉，韭菜同蓮藕炒既，小小辣，炒得好夠鑊氣，餸飯絕配。另外我就介紹朋友叫左酸菜魚餐，佢試左都話湯底好濃，魚就非常鮮同滑。每個套餐都有跟一個前菜，係辣辣地薯仔絲，然後就係主菜，一碗大白飯，再跟杯野飲都係幾十蚊。同朋友一人一個餸share食，超值又好味！