上海姥姥 (翡翠明珠廣場)

Open Now

Now Closed

Festiva 已登陸銅鑼灣翡翠明珠廣場一樓，場內有大家樂集團旗下六間餐廳，包括大家樂，米線陣，意粉屋，丼丼亭，Zakka，同埋上海姥姥，咁就可以迎合唔同人嘅口味啦。因為工作關係，今個星期第二次到訪Festiva, 拍檔提議試上海姥姥，咁就一於試吓啦。呢度嘅蟹粉小籠包同埋蟹粉扒素鵝甚有名氣，點都要試吓。一籠小籠包有四件，雖然塊皮好薄，但係唔易穿，同時亦透著淡淡嘅蟹粉黃色，一咬落去湯汁仲會湧出來，餡料同肉仲非常鮮甜添。素鵝平時就食得多，但係蟹粉扒素鵝都係第一次試，呢個配搭相當有新意，香脆嘅素鵝裏面包住冬菇同木耳等等，配埋鮮香嘅蟹粉，真係無得頂呀。