京滬佳餚 (The LOHAS康城) (Closed)

今日去咗日出康城探朋友，佢就介紹咗我去呢一間京滬佳餚食飯，一路喺上面睇住人哋玩冰上曲棍球，一路食飯。因為之前嚟過呢一間食片皮鴨同埋小籠包，所以今次試咗個酸溜土豆絲，爆汁牛肉煎餅，脆皮牛肋骨條，同埋京蔥牛肉，最後再加咗個楊枝甘露半雪糕收尾。首先上咗個前菜，土豆絲，酸酸辣辣再加上冰冰涼涼既土豆絲好開胃，簡直令人食慾大增。跟住就係食爆汁牛肉煎餅，喺佢同埋小籠包兩個餸菜掙扎咗好耐，最後因為小籠包成日都有得食決定試吓呢個牛肉煎餅，食落去真係唔辜負佢個名，香甜嘅牛肉汁即刻爆出來，再加埋佢香香脆脆嘅皮，真係好好食。京蔥炒牛肉，牛肉炒得夠滑嫩，京蔥又夠甜，你都唔食蔥嘅我都食咗好多。脆皮牛肋骨條，係一個令我好多驚喜嘅餸菜，一放入口中間嘅牛肉夠晒軟腍，而且非常之有肉味，而佢嘅外層竟然係甜嘅，而且非常之脆口，令到個餸菜口感上升左一個層次。最後就係楊枝甘露食到收尾，食返啲清新嘅雪糕，今餐真係非常之滿足。