Video
Read full review
2025-02-20
886 views
同老細拍拖食法國菜🇨🇵，今次揀咗將軍澳PopCorn嘅Odelice!，之前响沙田分店試過唔錯，今次近近哋再encore。店內環境幾有格調，銀藍色主調加埋高樓底，坐得唔逼，啱晒慢慢食談吓心。 🤭😍🥗頭盤兩款：Burrata水牛芝士沙律幾驚喜，黑醋酸汁醒胃，芝士軟滑，配埋火箭菜同甜蘋果，口感同味道都豐富。🍳香煎帶子火候掌握得啱啱好，表面微焦，咬落彈牙，底下嘅奶油韭蔥醬，醬汁香濃但唔膩，值得一讚！🥰👍🏻🥣三文魚薯蓉韭蔥湯係驚喜位，無忌廉反而更突顯魚味同薯仔香，飲完唔會滯住個胃。跟湯法包烘得脆身，搽埋牛油食好正。 韭葱（leek）响法國菜常用於湯、燉菜或配菜，味道溫和帶甜，質地軟嫩。經典如奶油韭葱湯（Vichyssoise），成日都會同海鮮、肉類搭配，用嚟提味，屬法式料理基礎食材之一。 🌮主菜嘅蕎麥薄餅好有特色，風乾豬面肉脆得嚟帶豐富油香，配埋帶子同韭蔥忌廉醬，鹹香得嚟有好特別嘅風味。🍛海鮮意大利飯用龍蝦汁煮，飯粒吸晒精華，蝦同蜆肉新鮮，不過如果飯再硬身少少會更啱我口味。 飲品方面，Mango Tango最impressive，龍舌蘭酒底加咗芒果汁同辣椒粉，酸甜中帶微微刺激，酒味幾濃，飲
🥗頭盤兩款：Burrata水牛芝士沙律幾驚喜，黑醋酸汁醒胃，芝士軟滑，配埋火箭菜同甜蘋果，口感同味道都豐富。🍳香煎帶子火候掌握得啱啱好，表面微焦，咬落彈牙，底下嘅奶油韭蔥醬，醬汁香濃但唔膩，值得一讚！🥰👍🏻
🥣三文魚薯蓉韭蔥湯係驚喜位，無忌廉反而更突顯魚味同薯仔香，飲完唔會滯住個胃。跟湯法包烘得脆身，搽埋牛油食好正。 韭葱（leek）响法國菜常用於湯、燉菜或配菜，味道溫和帶甜，質地軟嫩。經典如奶油韭葱湯（Vichyssoise），成日都會同海鮮、肉類搭配，用嚟提味，屬法式料理基礎食材之一。
🌮主菜嘅蕎麥薄餅好有特色，風乾豬面肉脆得嚟帶豐富油香，配埋帶子同韭蔥忌廉醬，鹹香得嚟有好特別嘅風味。
🍛海鮮意大利飯用龍蝦汁煮，飯粒吸晒精華，蝦同蜆肉新鮮，不過如果飯再硬身少少會更啱我口味。
飲品方面，Mango Tango最impressive，龍舌蘭酒底加咗芒果汁同辣椒粉，酸甜中帶微微刺激，酒味幾濃，飲完真係有少少「上頭」😆 Tropicolada就比較清新，菠蘿椰奶組合似足度假feel～
呢餐埋單人均$300左右，服務同食物質素對得住個價錢，環境又舒服，原來一個星期仲有幾日有唔同優惠～大家嚟將軍澳區想食法國菜可以試吓！ 我入場果陣因為早未有人～到走都坐滿八成，閒日嚟講真係幾唔錯～
Post
