泰潮 (嘉咸街) (Closed)

如果問我泰國餐有咩好介紹，喺中環的話我會選擇你依家咪知蓮旗下的泰國餐廳泰潮。大家都知攞得咪知蓮名銜都不是浪得虛明，泰潮主張泰國潮流特色泰國菜，而且價錢並非十分之昂貴，實屬平民百姓都食得又開心又抵食，所以今晚晚餐就一於嚟呢度食返餐勁嘅。晚餐選擇多籮籮，三個人嚟食飯第一樣野一定要點嘅就係米芝蓮海南雞飯，呢個飯絕對係有正宗又夠料，海南雞滑脫脫，但係黃锦锦的香噴噴的油雞飯，食落去真係又滑又香，正宗到不得了。我哋再點左個二人套餐，首先上枱的係冬陰功湯，冬陰功湯係用一個小火鍋的煲滾住，絕對保持住湯的溫度，飲起上嚟熱辣辣好好味，而且材料十分之足料同埋份量多，有蝦有菜有菇，真係超級好味。你多樣泰式蒜蓉炒雜菜，味道炒得夠香夠火喉，菜的色彩特別豐富，食起上嚟都特別開胃。再來一份泰式咖喱豬頸肉，呢一個假呢係青咖喱，好多人都鍾意食泰國的青咖喱，所以用嚟送飯就啱啱好，而且呢個豬頸肉亦都係好爽脆，做得非常出色，不愧係咪知蓮餐廳。我哋真係叫咗好多嘢食，最後仲有芒果糯米飯，泰式炸蝦餅拼春卷，同埋豬肉生菜，全部都好好味份量好充足，真係好味到一言難盡，呢度嘅二人套餐都係$300唔使，抵食到爆炸，下次大家都可以嚟試吓。