札幌拉麵 Miso No.1 x 辛味屋

Open Now

Now Closed

餐廳位於荷李活廣場入邊三樓。6點零嚟到嗰時已經好多人，需要等候大約十分鐘獲安排入座。餐牌選擇好多，單單套餐已經有好幾款。見到餐單有二人餐幾抵食。199可以揀兩碗拉麵以及三个個小食。拉麵類別同埋小食選擇好多，齊有一款岩你口味。我揀咗個ankake拉麵，小食方面，揀左自家製餃子，吉列蝦，燒雞翼及燒完骨兩串。飲品點咗個提子酒。拉麵係麵豉湯底，好濃好香，夠曬大碗。拉麵好有咬口好煙韌，叉燒亦好入味唔會太肥。小食嘅分量亦好大，一碟有六隻。皮薄，肉汁香濃。吉列蝦外脆內軟，好新鮮。而串燒亦唔會燒得太濃，好香口。