Haveli Authentic Indian Restaurant (Closed)

今晚同媽咪一齊黎去天后既Haveli Authentic Indian Restaurant試印度菜 原來佢地係無肉餐廳 平時都係大魚大肉 今日終於可以被腸胃好好休息下一坐底 店員就拎左啲印度小食<脆餅>比我地 仲有四種不同口味既醬汁比我地點 但原來塊脆餅吾點醬已經好辣！當中有兩隻醬都係辣 我食左半塊頂唔住比左媽咪食。。。先點了個印度特色青沙律 $38呢個就係好清既生蔬菜 無任何調過味 全部都好新鮮 但我自己生食洋蔥覺得有點灼喉烤餅 $18簡單味道中帶著濃厚的麵粉香！沾食咖哩醬料吃，口感軟而帶煙韌，好有飽足感～喀什米爾黃飯 $48印度的長身米 像炒飯般但又一啲都唔油 粒粒分明 食落非常有口感飯上面用左櫻桃碎作材料 入面仲有粒粒水果 咬落仲會爆汁添 好似有啲椰汁味 好得意！最特別係面頭有啲椰絲 甜甜地 真係未試過咁既組合 好有新鮮感 同埋啲米真係幾好食芝士燴菠菜茸 $78入面有六粒大芝士 但無乜芝士味 反而口感似食緊豆干 可能印度菜係咁樣 但對我呢個芝士迷黎講就有啲失望喇 菠菜茸有少少辣 可能係因為佢落左啲辣油 不過整體味道還不錯值得一讚係店員態度好友善