寶軒印度餐廳

Open Now

Now Closed

嚟尖沙咀食印度菜就最正宗 今日嚟到都有幾耐歷史嘅寶軒 品嚐我其中一款最愛嘅菜 即係印度菜🤣四周圍裝修已經好有印度色彩 各個細節包括裝飾品都感覺到來自印度當地頭先頭盤叫咗炸芝士 印度嘅炸芝士並唔係西方嗰種好用牛奶味嘅 亦唔會好鹹 比較似食緊豆腐渣 但佢呢度係我食過最好食嘅 因為佢個外皮香料落得好足夠 淨係食個香味同炸得夠脆已經贏曬🤩另外亦食咗個印度烤肉捲 係用鐵板嘅形式上枱 每一條肉捲都係純肉嚟嘅 入面包咗好多香草香料 味道比較鹹少少 用嚟送飯就一流主菜亦都叫咗咖哩雞飯 另外叫咗印度薄餅備用 由於我實在係太鍾意食香草香料 所以我都係好欣賞佢落得非常足 而且醬汁好多 兩個人share食完個飯可以食埋份印度薄餅 大滿足另外無論佢係飲品例如mango lassi 定係甜品 都係我食過嘅印度餐廳之中數一數二嘅 一樣失手嘅菜式都冇 表現非常平均同埋出色 值得encore 🤓🤓