Rang Mahal Authentic Indian Cuisine (Closed)

平時中午出街食lunch，經過中環皇后大道中就會離遠見到呢道有印度菜餐廳，咁啱同事話好想食下印度菜，今日中午就約好左一齊去Rang Mahal Authentic Indian Cuisine試下。以中環來講，$88 另加一呢個價錢可以任食又吾係好貴。一上到去就見到有幾圍枱都係啲外籍人士，所以呢度嘅印度菜應該係好正宗！裝修都好有印度feel，好似去咗印度食印度菜咁😆前菜有沙律、胡椒薄脆、春卷、炸蔬菜等，炸物嘅口感唔係太油膩👍加埋啲調味一齊食，感覺上冇咁熱氣。印度菜當然有咖喱，有唔同嘅辣度，𥚃面有菜/肉，可以配埋烤餅/炒飯一齊食。有個士多啤梨味類似乳酪嘅甜品味道好香，幾好味，另一款甜品就好似湯圓，不過個人覺得比較偏甜。除咗任食，仲有任飲嘅檸檬茶！