Rang Mahal Authentic Indian Cuisine (Closed)

甫踏入餐廳，好像走進了另一國度；有如於香港走了一步就踏入了印度國土。裝潢和餐枱椅子都充滿了印度特色。一邊是紅色的牆身，掛了印度衣飾嘅油畫，另一邊牆身掛著金色和紅色的布簾。場內暗暗的燈光，營造了神秘的氣氛。餐牌很精美！點了食品後，等待嘅時候，聞到陣陣食物嘅香味喺廚房傳出。首先上枱嘅係脆薄餅，配有三款醬汁，由左至右分別係咸咸甜甜嘅醬油、乳酪醬、和洋蔥蒜蓉醬。薄餅好薄、好香脆。83 Masala Tea cold $38茶味獨特，有別於一般港式奶茶。調味的糖水另上，可自行調較合適自己嘅甜度。06 Samosa $48一碟有4隻，估唔到每隻咖哩角咁大隻，餡料除了咖喱薯蓉，還有青豆，薯蓉混合了薯粒，提升了咀嚼口感。外皮酥脆，内外的暖熱均勻。伴碟的蕃茄挺鮮甜，伴隨著咖喱角食，減低膩感。20 GOAN Fish $98椰汁味好濃，加上少少甜咖哩味，唔食得辣嘅人都啱食。68 Garlic Naan $30好酥軟，醮咖哩汁食一流！好像是印藉人的店員很殷勤，由店員到餐廳格調，以至食物品質，都感受到正宗的印國風味，十分享受的一頓晚餐。