囍源古早蛋糕 (Closed)

📍囍源古早蛋糕 我經常出沒深水埗, 除左做野之外, 順便周圍睇下有咩野食. 經過北河街, 聞到有陣陣蛋糕嘅蛋香味, 原來係囍源古早蛋糕, 唔好講笑，即刻買翻宅食先. 孝敬一下家中長老, 自己又可以食, 何樂而不為. 行埋去睇真啲, 原來有好多口味選擇, 款式非常多, 成幅牆咁多😂 最後揀左薄荷伯爵荼味 & 鹹蛋芝士味. 薄荷伯爵荼味 係用薄荷酒同伯爵伯茶整，伯冠茶咪好突出。鹹蛋芝士味，用左兩種芝士混合做成，間中有粒粒咸蛋黃，兩個味好夾。聽老闆講，佢哋係用低糖少油少甜做法，採用正宗隔水烘焗，所以出嚟嘅蛋糕唔會燶邊同散邊，但又非常鬆軟綿滑，夠晒健康, 貪食又怕肥都唔怕, 可以放心食。同埋可以壓字係蛋糕面，預計口味果陣可以問問老闆有咩靚字揀，不另收費。 蛋糕新鮮出爐, 食唔晒可以雪起佢, 食果陣翻熱就可以, 就咁食我都覺無問題。