Video
Read full review
2024-07-05
554 views
試下香港首間氣噗噗台式火鍋店! 湯底足足有8款，可以揀鴛鴦鍋或者一人一鍋，無論中意食辣定唔食得辣嘅人都可以好好享受。好似我咁勁勁勁中意食辣但男朋友就一般，嚟依度食就啱啱好啦! 分咗3種任食套餐，今次試中間嘅「尚品。吃到飽」餐，100分鐘任食，仲送一杯指定飲品。肉嘅份量都好多，而且仲有好多款香口小食。 當然一試推介嘅台灣麻辣鴨血湯，另一個鍋就係中華豚骨湯。 等緊湯底到嘅時候，已經急不及待咁衝去自助區。自助區係任何餐都可以食，一個大雪櫃入面喺超過50款台灣火鍋必食配料，有菜、菇、丸類、粉絲依啲常見項目之外，仲有比較少見而我好愛嘅萵筍!! 萵筍同埋豆卜對我嚟講係肉類以外同麻辣最夾嘅組合，當然要夾多啲! 而熟食區就有滷水小食、炸物、關東煮同埋係機器上面翻轉緊嘅台灣腸! 已經忍唔住先夾兩條落碟然後衝返位食。(記得生熟食物要分開放!) 依個時候湯底已經送到枱上! 好多辣椒係湯入面浮浮沉沉，鍋裡面仲有好多麻辣鴨血係度，而且唔夠喉仲可以係自助區度任食麻辣鴨血。 啲肉好靚即刻夾一塊入鍋度先，淨係放入去果下已經聞到好濃烈嘅味道，未食已經覺得好正好吸引!! 啲肉好靚，牛肉味好重，吸收埋麻辣湯好爽好好食。係依
湯底足足有8款，可以揀鴛鴦鍋或者一人一鍋，無論中意食辣定唔食得辣嘅人都可以好好享受。好似我咁勁勁勁中意食辣但男朋友就一般，嚟依度食就啱啱好啦!
分咗3種任食套餐，今次試中間嘅「尚品。吃到飽」餐，100分鐘任食，仲送一杯指定飲品。肉嘅份量都好多，而且仲有好多款香口小食。
當然一試推介嘅台灣麻辣鴨血湯，另一個鍋就係中華豚骨湯。
等緊湯底到嘅時候，已經急不及待咁衝去自助區。自助區係任何餐都可以食，一個大雪櫃入面喺超過50款台灣火鍋必食配料，有菜、菇、丸類、粉絲依啲常見項目之外，仲有比較少見而我好愛嘅萵筍!! 萵筍同埋豆卜對我嚟講係肉類以外同麻辣最夾嘅組合，當然要夾多啲!
而熟食區就有滷水小食、炸物、關東煮同埋係機器上面翻轉緊嘅台灣腸!
已經忍唔住先夾兩條落碟然後衝返位食。(記得生熟食物要分開放!)
依個時候湯底已經送到枱上!
好多辣椒係湯入面浮浮沉沉，鍋裡面仲有好多麻辣鴨血係度，而且唔夠喉仲可以係自助區度任食麻辣鴨血。
啲肉好靚
即刻夾一塊入鍋度先，淨係放入去果下已經聞到好濃烈嘅味道，未食已經覺得好正好吸引!!
啲肉好靚，牛肉味好重，吸收埋麻辣湯好爽好好食。係依個時間就將其他配料放入去等佢慢慢烹煮到入味，中途可以邊食牛邊食小食。滷水小食都好入味，最驚喜就係成灣腸，比街外面賣台式小食嘅更加好味!
而送嘅特飲我哋就揀咗珍珠奶茶同埋仙草奶茶，完完全全就係我最愛嘅台式手搖店味!! 第二杯開始都只需要$8，好飲到就算店內罐裝飲品都係任飲(而且數量都唔少)，都會忍唔住想要續杯。仲唔止奶茶，全系列台灣手搖飲品(水果茶、奶蓋)都有，飲品仲提供外帶，完全就係被埋沒的台式手搖店!
而且價錢都好公道，職員都好友善，會主動嚟加湯。經過今次之後氣噗噗已經成為最喜愛台式火鍋店之一!
Post
